「拜神燒衣紙好麻煩」

陳振聰昨在庭上講述其父的風水書《天圖布局》，指該書只談及基本風水布局，不涉及燒衣紙或祭品，亦無要求燒真銀紙，「本書冇要求燒任何嘢」，華懋一方資深大律師駱應淦遂質疑，為何當年會要求客人梁錦濠燒真銀紙，「你憑咩畀意見?」

陳振聰解釋，因為「梁錦濠話想燒一啲嘢去拜祭」，而且他過往不時與父親討論哲學，當時陳振聰父親有一番解釋，「啲人要花費好多錢燒祭品，好傻，又唔肯定係咪真，唔肯定係咪第二個世界有用，燒咁多嘢好麻煩，好奇怪，要買一百蚊嘅衣紙，點解唔燒真嘅一百蚊紙」。

陳振聰又稱，其父當時還說笑：「如果第日過咗身，要燒一百蚊嘅金銀衣紙，燒一百蚊真銀紙，我嘅靈魂都知呢張係真㗎啦」。 陳又稱：「我媽媽鍾意拜神燒衣紙，燒得好麻煩，所以我覺得爸爸嘅理論好好，同樣都係燒咗一百蚊嘅嘢。」

駱應淦當庭質疑陳振聰「咁你講燒銀紙，唔係基於經書、古代典籍，純粹係父親嘅意見，係你父親嘅開玩笑?」陳答稱：「可能（係開玩笑），我哋傾偈都覺得有道理。」駱遂揶揄陳：「你當時同梁錦濠講燒銀紙，有冇講係多年前爸爸講，唔好當真，但『過水』五萬蚊嚟！」陳稱從沒有向梁指燒銀紙是出於經書。

陳承認，在真銀紙抄上詩句、每日運程及謎語，並無任何經書或典籍支持，但當年是梁錦濠要求在真銀紙「寫啲嘢上去」，他當時回應：「好，鍾意就寫啦」，駱應淦質疑有關說法，指梁錦濠當時面對刑事訴訟，有坐牢之虞，並支付巨額款項予陳振聰做法事化解擋災，怎會自己要求在真銀紙寫上字句。陳解釋：「因為我當時已同佢做咗天圖布局，我本書可以做已經做咗，我對呢樣嘢冇專業常識。」

陳振聰曾經在西環的利瑪竇中學唸書，圖為九龍利瑪竇書院。	陳振聰曾在南華會酒吧工作。	振業興隆堂成員曾前往八鄉鄉事委員會參與風水行動。
放大圖片	陳振聰九一年親率一批風水師勘察八鄉擬建骨灰龕地段。

自稱有天賦觀人氣色

陳振聰又自稱不懂用傳統羅庚，只是用電子羅庚看風水，他亦不懂紫微斗數、五行或出生日期跟客人睇相，陳稱當時若有客人請教，便會回家請教父親，但律師質疑「你有冇同客戶講，全部嘢都係出自你父親」，陳回應「我會坦白講，我唔介意講我唔識紫微斗數或者做法事，家父在呢方面實在好叻，如果客人冇問，當然唔講！」

另外，陳振聰昨在庭上承認，自己有觀人氣色之天賦，「好多朋友，石禮謙都話我好準」，他又指首次與龔如心共進午餐時，陳便對龔說「你面色怪，你有啲我媽媽成日頭痛嘅面色」。