14/06/2009

播放本新聞相關短片

政情：學生濫藥譚萬鈞賴社會？

上星期天水圍伯裘書院有七位學生懷疑喺公園索K暈倒，事後校長譚萬鈞話學校有千幾個學生，發現七個濫藥，數目唔算多。尋日佢又上電台話，青少年濫藥問題源於更深層的社會因素，過去十年香港經歷過金融風暴、科網爆破、沙士、金融海嘯等多次社會波動，社會變遷快，社會結構愈見複雜，大人都難以適應，何況青少年呢？但《三字經》有云：「教不嚴，師之惰」，學生有咩問題，老師責無旁貸，又豈能以一句「更深層的社會因素」輕輕帶過？

直擊人類豬流感最新疫情
詳情瀏覽on.cc《奪命流感》