自從去年無參選立法會後，
雞單仲偕好似潛咗水咁，無咗佢嘅蹤影，其實雞依家係西九文化區管理局董事局成員，西九呢單嘢仍然處於起步階段，佢想潛水都幾難；佢仲係教育局轄下嘅課本及電子學習資源發展專責小組成員，專門研究電子教科書，九月要交報告，睇怕佢有排忙。不過雞尋日都身先士卒走咗去潛水，仲要係潛落海底執垃圾。
雞單仲偕好似潛咗水咁，無咗佢嘅蹤影，其實雞依家係西九文化區管理局董事局成員，西九呢單嘢仍然處於起步階段，佢想潛水都幾難；佢仲係教育局轄下嘅課本及電子學習資源發展專責小組成員，專門研究電子教科書，九月要交報告，睇怕佢有排忙。不過雞尋日都身先士卒走咗去潛水，仲要係潛落海底執垃圾。
雞尋日同埋一班黨友加潛水員，總共約四十人浩浩蕩蕩由西貢碼頭出發，坐船去沙塘口對出海域潛水執垃圾。佢上午十點半潛過一次，午飯後兩點幾又再潛多次，每次五十分鐘。潛完之後喺海中撈到成十幾公斤垃圾，有鞋、有玻璃樽，連燒烤網都有。佢話今次潛水係想宣傳環保意識，希望大家唔好亂拋垃圾。
唔講唔知，原來雞○六年已經攞咗潛水牌，仲去過后海灣潛水，不過佢好謙咁話，佢個牌只係最初級嘅「公開水域潛水員」，唔係進階嗰啲，所以今次潛水都有潛水員陪住嘅，保證萬無一失！