上星期三立法會開大會時，突然有位男士喺觀眾席上大嗌，之後仲用
刀插大髀，令立法會出現第一滴血。當日最神勇嘅可算係旅遊界嘅謝偉俊（Paul），佢唔單止立即叫主席暫停會議，仲第一時間衝上觀眾席，成功令事主冷靜下來，然後至到本身係護士嘅衞生服務界代表李國麟上前為事主包紮。不過到呢一刻，點解身為醫學界代表嘅梁家騮（怪醫）都無出現？唔通佢當時無開會？
刀插大髀，令立法會出現第一滴血。當日最神勇嘅可算係旅遊界嘅謝偉俊（Paul），佢唔單止立即叫主席暫停會議，仲第一時間衝上觀眾席，成功令事主冷靜下來，然後至到本身係護士嘅衞生服務界代表李國麟上前為事主包紮。不過到呢一刻，點解身為醫學界代表嘅梁家騮（怪醫）都無出現？唔通佢當時無開會？
其實當日怪醫有喺現場，佢話自己只係靜觀其變喎。怪醫話一開始已留意到件事，但見咁多人圍住事主，加上事主睇落仲好清醒，無必要作進一步嘅醫學救援，所以至無動身上觀眾席幫手。怪醫仲話，當時事主需要嘅藥唔係食落肚嗰啲，而係有議員聽佢申訴，仲即時大讚阿Paul夠英勇，立即上去接事主嘅申訴書，令事主嘅情緒平復下來。
被讚英勇嘅阿Paul不知幾識做，即刻幫口話怪醫係外科醫生，見慣大場面，呢啲小意思，唔使佢出手，認真識講嘢！如果下次立法會咁唔好彩又有事發生，唔知怪醫會繼續靜觀其變、定係出手相助？