ＣＹ現身撐張學明

ＣＹ尋日現身撐張學明，卓妮在酒會同ＣＹ暢談旅遊經，佢話好喜歡到內地旅行，以前未有孩子時，趁工作無咁忙，經常到內地旅遊，好似去雲南旅行咁，由昆明坐成日車到石林觀光，感受難忘。

不過，中國地大物博，ＣＹ至今仲有好多地方未去過，包括桂林、新疆、內蒙、絲綢之路等，所以佢嚟緊暑期其中一個旅遊大計，就係一家人去行絲綢之路，仲搵咗班朋友同旅行社策劃一下。

其實行絲路都幾辛苦，問ＣＹ會否擔心三個仔女捱唔住？ＣＹ就笑笑口話：「啲細路都大囉，應該照顧我哋老人家就差唔多！」ＣＹ另一個旅遊方案就係去非洲，佢話想去東非肯雅以外幾個國家探討吓，主要都係睇野生動物：「自然生態受到破壞，有啲嘢依家唔睇，遲啲未必有得睇喇！」

不過，無論選擇邊個行程，ＣＹ都要等到八月下旬才能起行，事關佢三個仔女要在七至八月做暑期工，其中修讀生化系嘅大仔傳昕會到美國一間實驗室做實習生，讀高中嘅二仔齊昕就會到一間律師樓實習，為將來修讀法律做好準備。

卓妮