旺角道平日已是車水馬龍的鬧市，昨晚深夜，因為周末將臨，市面更倍添熱鬧，街上型男潮女都是懷着迎接周末狂歡的心情，臉上掛滿歡笑，途人摩肩接踵。

「旺角道好似打完仗咁」

可是就在專線小巴失事與巴士相撞，再衝上行人路的一刻，情況出現突變。一名目擊事件的鍾先生，事發前與兩名女友人在現場巴士站候車，其中一友人是學生。他猶有餘悸表示，當小巴衝上行人路時，輾過兩名途人，而其兩名友人亦受傷。

另有目擊者憶述險況時，仍牙關打震稱，小巴如巨獸般剷上行人路，遇人撞人，遇物撞物，只見被撞倒的途人血肉橫飛，其他逃出生天的途人無不嚇得驚慄狂叫，「有人嚇得坐喺街度係咁喊，要朋友安慰，條街好似變成地獄咁」。

「見到有幾個被撞傷嘅人瞓晒喺條街度，個個都成身血，有一個女人仲成頭血，冇晒反應，真係見到都心翳。」

「小巴一直衝到下一條通菜街嘅街口，再剷番出去旺角道先至停低，成條街直情好似打完仗咁，變咗廢墟咁。」

旺角道沿途多間商戶包括便利店及粥店等，門前招牌及雜物都被橫掃得七零八落，散滿一地，亦有招牌裝飾及燈箱毀成碎片，並同染滿血漬，滿目瘡痍。

■本報記者