郭昨驚聞該宗慘案後表示：「諗起當日自己屋企外傭發生攞刀事件都好驚，好好彩最終大家都冇乜事，我媽咪都企埋一邊冇刺激到佢，我亦喺適當時候報警，令到成件事傷害減到最低。」

她又透露自此未有再請家傭：「依家冇請啦，我同媽咪都分擔到屋企啲家務，唔需要請啦。」她提醒請家傭時要小心：「其實都好難，因為要請一個唔識嘅人，仲要喺屋企住，所以請之前一定要考慮清楚。」

漠視外傭精神狀況

本港現有二十六萬外傭，外傭精神狀況長年被漠視，恍如計時炸彈。香港家庭傭工僱主協會主席羅軍典表示，外傭來港打工，只需提交一份身體檢查，但毋須精神檢查。

城大犯罪學課程主任黃成榮副教授表示，從事主被亂刀斬死分析，推斷疑兇已失去理性，甚至陷入瘋狂，相信她的性格屬於容易「鑽牛角尖」。

他又稱，其實家傭若出現異常，是有迹可尋，例如可能會特別大力關門、眼神內藏怒火、「忟忟憎憎」、「剁豬肉餅剁得特別大力」，或者喃喃自語等，僱主只要稍加留意，也可能會發現到端倪。