【本後訊】財政司司長曾俊華昨日公布的新一輪派糖措施尚未達到紓困效果，便造成社會分化！大批網民針對公屋免租兩個月和綜援出雙糧的措施大肆鞭撻，不少人斥政府做法本末倒置，更有網民諷刺，「政府係咪叫人唔好做嘢，拎綜援住公屋呀！」
網民qgal憤言，「經濟衰退與綜援戶有何關係？好快就會通縮，佢哋應該減綜援至啱喎！」另一網民中環托比諷刺說：「住公屋、拎綜援最着數，我們呢啲供樓人士百上加斤，人工又減，樓要照供，稅照交，財爺唔會幫我哋，只識叫我們賣樓吊命。」甚至有人表示寧做澳門人，「人哋澳門差不多派咗每人成萬蚊啦，我唔使你派咁多，每人千五都好啦」、「其實每人兩千，都係百五億，人人咁多，肯定冇咁多不滿。」
另外，昨天有記者質疑措施幫不到「三無」人士，曾俊華不客氣地反問記者：「（那麼你）有冇啲好提議呢？」結果被網民直斥，「出幾十萬一個月畀你，就係要你去諗啦，我去諗？你係咪分番份糧畀我？」