政情：孫公和稀泥話臻美有臨時牌

基督教臻美黃乾亨小學暨初中學校八年來以臨時註冊經營，固然匪夷所思，校內行政混亂、財政有「黑洞」，更加令人擔心。教育局局長孫明揚尋日回應事件時咬文嚼字，重點解釋臻美學校唔算無牌經營，但對校方辦學質素差劣等核心問題，就只輕輕帶過，話已要求校方交出辦學權，有乜改善空間、港府點樣加強監管，全部付諸闕如。睇到孫公呢種和稀泥態度，就不難明白點解臻美八年來都係臨時註冊經營喇！

直擊人類豬流感最新疫情
詳情瀏覽on.cc《奪命流感》