位於石蔭的北葵涌街市於一九八四年落成，樓高兩層，每層均有若干檔位空置。幾乎每日均到訪街市的黃女士發現，街市內不少長期空置檔位遭鄰近檔戶佔用並擺放貨品及雜物，令檔位變得雜亂無章，但食環署職員卻視若無睹。
霸埋隔籬一開三
她說：「啲吉檔畀人霸埋嚟用，一睇就知有問題，唔明白點解啲職員行過都當睇唔到，如果畀我喺度擺檔，我都會霸埋一份！」
北葵涌街市一名檔戶亦不滿食環署未有正視「霸位」問題，對守法檔戶有欠公平，「明明租一個檔，霸埋隔籬左右分分鐘一開三，有乜理由咁都冇人理！」該檔戶又指，曾有友人反映位於荃灣的香車街街市亦有相同現象，「嗰邊（香車街街市）又係呻到樹葉都落晒，食環署一樣扮睇唔到！」
事實上，去年十二月，本報亦曾揭發北葵涌街巿空置檔位長期被佔用問題，事隔半年，記者重臨舊地，發現街巿二樓佔用情況較半年前嚴重，四個相連檔位即使攔有封條及鐵欄，仍被堆滿蔬菜及雜物，毫無改善。
「有人嚟巡咪執開啲貨，轉過頭又再擺過！」荃灣區區議員陳恒鑌直指食環署巡查不足，變相縱容非法行為。因應目前經濟環境欠佳，檔戶經營不容易，陳建議食環署「先禮後兵」，先行警告違規檔戶，倘仍未改善則嚴厲執法，罰款或充公貨品等。葵青區區議員尹兆堅則認為，要徹底解決問題，食環署須考慮長遠解決方法，「好似再減多啲租，吸引多啲人競投，冇空檔啲人自然就霸唔到啦！」
促調低租金競投
立法會食物安全及環境衞生事務委員會委員王國興亦認同，食環署應檢討街市租金水平，考慮大幅調低租金，改善街市空置率問題；「不過最重要都係食環署要加強執法，執得緊自然冇人敢犯規。」
食環署發言人強調，職員日常巡視街市時，如發現有人佔用空置檔位，會向違規者發出口頭警告及要求移走物品，否則會提出檢控。由○八年至今，該署共接獲四宗有關北葵涌街市空置檔位被佔用的投訴，並提出三宗檢控。在同一期間，除接獲是次轉介外，並未有接獲香車街街市同類投訴，但對於佔用空置檔位情況則共提出五宗檢控。
記者 徐少琴