記者 梅可茵
九十九歲的李婆婆患有心臟病及老人癡呆症，長期依靠安老院職員及孫女葉女士照顧。今年四月十日因發燒及氣喘向威院內科求醫，留院至同月十八日，證實無礙後獲安排出院，並返回安老院休養。
需切除大腿保命
翌日，安老院職員發現婆婆右腳腳趾發黑，且傳出陣陣「屍臭味」，即時將婆婆送往威院急症室，經骨科醫生診斷後，證實右腳出現壞死組織潰瘍，需將右大腿以下切除，否則有生命危險。由於家人擔心婆婆難抵截肢之苦，經考慮後拒絕建議，現婆婆需定時到骨科覆診，但細菌入腳危機仍未解除。
對於內科醫生未有及早發現婆婆腳患對症下藥，葉女士認為醫生難辭疏忽責任，矢言追究到底，「點解住咗八日醫院，醫生一路都冇講佢隻腳有事，淨係話個心臟有問題，簡直離晒大譜！我一定會向醫務委員會投訴，追究責任。」
凸顯欠老人專科
「依家好多（公立）醫院為咗行政方便，將老人科同埋專科合併，內科醫生見到病人隻腳有事，只係會做初步治療，未必交番畀其他專科去睇。」立法會衞生服務界議員李國麟指事件凸顯欠缺老人科專科，衍生問題不容忽視，最終令年長病人未能獲得適切的治療。「依家人口老化嚴重咗，醫管局係時候要填補呢個漏洞，將老人科同內科分番開。」
病人互助組織聯盟主席張德喜則認為，事件反映公立醫院醫療人手不足，專科醫生分身乏術至難以兼顧病人整體狀況，「以前醫生幫病人檢查得好細緻，依家面對咁多病人，人手又唔夠，專科醫生睇完佢嗰part（部分）就要放番個病人出嚟，根本就理唔晒其他地方有冇問題。」
威院發言人否認事件涉及醫療失誤，解釋李婆婆入院時，醫生已發現病人右腳出現三級程度壞死組織潰瘍，並有分泌物及異味。住院期間，醫生已為病人處方特效敷料處理傷口及抗生素藥物治療，並由護士清洗患處。
內科醫生被指粗心
老人科專科醫生佘達明解釋，腳部壞死組織潰瘍主要因心臟衰弱導致血液循環不正常，或腳部長期缺乏運動，長出肉瘡令腳趾腐壞所致，「隻腳有壞死組織已經好嚴重，內科醫生當時應即刻諮詢骨科醫生，建議病人做手術，但係佢哋（內科醫生）有個通病，就係唔夠細心睇專科以外嘅地方。」佘達明續指，年長患者可按病情考慮服用阿士匹靈或薄血丸，住院期間亦需在腳部墊上羊皮。