交通意外日日有，但如果有人為咗唔畀肇事車輛司機逃之夭夭，竟然唔怕死，喺高速公路追車兼落車
實個司機等警察到場，就認真少見嘞。呢個路見不平，落車相助嘅熱血市民就係自由黨嘅新星，西貢區區議員方國珊（哪吒）是也。
實個司機等警察到場，就認真少見嘞。呢個路見不平，落車相助嘅熱血市民就係自由黨嘅新星，西貢區區議員方國珊（哪吒）是也。
哪吒架車尋日行經觀塘繞道時，前面有架裝滿搭棚竹枝嘅貨車行車時不斷有竹枝跌落路面，跟住架貨車後面嘅房車兩個前胎仲畀竹枝插穿咗。哪吒即時見義勇為，從後追截貨車，一路追到將軍澳寶順路終於「截車」成功。
哪吒見危機解除，就落車同其他司機夾手夾腳將嗰幾紮竹枝搬埋一邊，仲以證人身份向將軍澳隧道嘅職員詳述事發經過，佢仲堅持等埋交通警到場處理事件先肯離開，足足等咗成半個鐘，個交通警至去到現場。
哪吒話，將軍澳環保大道同隧道，其實成日都有類似嘅事情發生，大部分交通意外都係因為運送廢物去堆填區傾倒嘅貨車超載所致，佢早前更以區議員身份叫警方加強檢控，不過警方有幾重視呢個問題，大家諗吓哪吒尋日等交通警等咗幾耐就知啦！