政情：立會失言范太寸爆煲呔曾

煲呔曾上周四喺特首答問大會失言，自詡佢對六四事件嘅睇法，代表咗香港人整體意見，結果要公開道歉收場。不止一次勸諫煲呔曾嘅全國人大常委范徐麗泰尋日首次論及事件，佢話香港有各式各樣人，人人想法都唔同，好難想像有一個人可以代表所有港人，擺明暗寸煲呔曾太自大。其實范太去年臨別立法會時，已經提醒煲呔曾切勿「聰明反被聰明誤」，點知煲呔曾反唇相稽話要將范太句話鑲起佢，搞到范太頂住條氣。煲呔曾有今日，都係自己攞嚟。

直擊人類豬流感最新疫情
詳情瀏覽on.cc《奪命流感》