踏入考試季節，公共圖書館長期座無虛席，位於深水埗保安道的公共圖書館自修室亦不例外。不過，梁同學日前溫習期間，發現自修室天花突然漏水，使用者須緊急離場，影響溫習進度。至於一牆之隔的圖書館天花亦同告漏水，須以膠箱盛載水滴，「自修室同圖書館天花一齊漏水，到底有冇做保養？」
深水埗區議員郭振華直指自修室及圖書館漏水令人難以接受，促康樂及文化事務署從速改善，「了解咗係乜原因就要做好防漏措施，但正值考試季節，圖書館都要應變吓，好似安排其他地方畀啲學生溫習咁，唔好影響服務！」
康文署發言人解釋，自修室天花漏水源於上層街市水渠被鑿穿，經緊急維修後，受影響範圍即日已重開。至於圖書館天花漏水問題，建築署及機電工程署跟進後，滲水問題已告解決。