政府籌劃逾十年的香港仔漁人碼頭計劃宣告擱置，縮水為只斥資二億元美化香港仔海濱長廊兩岸。然而，即將進行美化的海濱長廊卻有數間用作擺放雜物、曬鹹魚兼賣海味的僭建棚屋，過去近廿年相關部門無嚴加執法，棚屋拆完再建亦從未規管。區議會主席指棚屋所在地淪為三不管地帶經年，部門發現官地遭佔用仍坐視不理，變相助長違法行為。
香港仔海濱公園外的海濱長廊設有前往海上食府、鴨脷洲及南丫島等碼頭，每日遊人如鯽；但同場卻有七、八間設計簡陋的僭建棚屋，棚屋內不但堆放了大量雜物，更兼售海味，而曬鹹魚的場景亦不時出現，可說大殺風景。
烏煙瘴氣 嚇走遊客
鴨脷洲居民彭先生經常在長廊碼頭乘搭街渡往來香港仔，直指棚屋在上址已近二十年，不滿官地被長期霸佔兼有損市容，「嗰度好似冇人理咁，啲嘢擺到亂七八糟，又成日有人曬鹹魚，烏煙瘴氣惹埋一大堆烏蠅，我係遊客都唔會嚟啦！」彭認為棚屋違法僭建源自當局監管不力。
記者曾向一名棚屋屋主了解，對方坦言棚屋屬僭建物，但擺賣則屬「迫上梁山」，「我哋係漁民，除咗打魚同賣海味就乜都唔識，又唔知去邊度攞牌，喺度賣海味都係想搵兩餐晏仔啫！」
立法會環境事務委員會副主席陳克勤狠批政府部門各自為政，欠缺溝通及主動跟進，令海濱長廊長期被霸佔，淪為棚屋區，「冇可能僭建喺度咁多年都冇人理，就係因為政府分工太散，搞到啲嘢最後冇人理，真係要檢討吓！」
「雖然啲棚屋仔唔阻人，但僭建就點都唔啱！」南區區議會主席馬月霞直指政府多年來對棚屋問題坐視不理，令長廊淪為三不管地帶。馬又指政府聲稱要在上址規劃漁人碼頭，但多年來只聞樓梯響，拖延至今才縮水為推出美化計劃，「希望今次唔會再得個講字，真係落實可以改善區內環境嘅措施！」
部門鬥卸：唔關我事
本報分別向多個部門查詢棚屋僭建事件，大部分俱以「唔關我事」作回應。香港西南區地政處發言人證實，有關棚屋屬非法搭建，政府要求清拆時，不需向佔用人發放任何賠償；而在去年一月及十二月，該處曾聯同食物環境衞生署進行清拆行動，現時所見棚屋為新近搭建，相關部門將再進行聯合清拆行動。
■記者 徐曉敏