政情：暗寸鄧爾邦吳斌五十步笑百步

審計署揭發平機會主席鄧爾邦用公帑買七百萬元保額嘅人壽保險，投保額相等於佢三年薪金，仲係未經過特首批准添，簡直令人髮指。個人資料私隱專員吳斌尋日與傳媒見面時，暗寸鄧爾邦用公帑買人壽保險，又話自從審計署關注私隱署後，該署用錢都審慎咗，一直戰戰兢兢。其實吳斌簡直係「五十步笑百步」，事關前副私隱專員林永康騙取公帑已令私隱署聲名掃地，差在審計署未查到新嘢啫，難怪吳斌不打自招話：「如果審計署要查我哋，一定會查到啲嘢嘅！」

直擊豬流感最新疫情
詳情瀏覽on.cc《豬流感襲全球》