夏天將至，政府不斷宣傳呼籲市民要清理積水防止蚊患，但地政總署卻任由官地積水孳生蚊蟲。屯門山景邨居民許先生稱，旺賢街一塊空置接近二十年的政府土地雜草叢生，土地範圍內的廢置溝渠有大量積水，孳生蚊蠅，「呢個情況最少出現咗幾個月，冇理由塊地搞成咁都冇人理！」
當區區議員陳有海直言情況不可接受，要求地政總署盡快派員清理積水，以及加強對各官地的管理，「真係離晒譜，邊有可能咁耐都搞唔掂？我成日都要求地政總署派人清走官地嘅雜草，但佢哋又成日話冇資源！政府要認真考慮點樣善用官地，最少管理上一定要做番好啲！」
地政總署於接獲本報轉介上述投訴後，接近兩星期才有回覆，發言人稱上述政府土地最近一次清除雜草是在去年十二月十五日，該署已要求承辦商盡快用泥土填平該段早已荒廢的水渠，避免引起蚊患。