本文重點
【本報訊】少女被分手男友斬頭案昨續審，廿六歲無業被告梁百鳴出庭自辯時，推翻先前口供，聲稱事發時上門只想「箍煲」，否認有預謀殺人。因死者不但當面承認另結新歡，且用粗口辱罵他「手又跛，又冇嘢做」，他才在盛怒下行兇，但細節則全部「唔記得」。
行兇過程：「唔記得」
被告被控去年三月七日謀殺十九歲前女友李睿怡（下稱死者），他昨日以一把柔弱聲線作供，且提及死者時更一度哽咽。期間辯方大律師要求他辨認兩把呈堂兇刀，他一見兩刀便立即後退轉身，狀似不敢觀看，還在證人台前嚎叫「我唔知」；在再三要求下，他才肯回頭一瞥證物，確認那便是兇刀。
被告表示預先買下兩刀，是想用大刀作勢自殺，希望死者能與他復合，如果失敗用小尖刀作真自殺。當時他進入死者石籬邨住所後，死者堅拒復合並指「無人鍾意自己個男友成日走去自殺」，後來又承認「同另外一個喺一齊」，最後更用粗口辱罵被告「咪×喺我屋企喊……你係咪男人嚟？你手又跛，又冇嘢做，我點同你一齊呀！」被告稱被此話激怒而施襲，但整個行兇至斬頭過程，均全部「唔記得」。他只記得殺人後，特地在死者手機內找到她「新歡」的電話號碼後，致電對方但遭掛線。
而在事發後見過被告的精神科專家阮長亨醫生，則在作供時指被告向他透露，帶刀上門是準備於「箍煲」失敗後便「斬佢」，阮又指被告犯案時有適應障礙及情緒抑鬱，但無精神錯亂，指被告能認知現實世界的對與錯，亦有自制能力。 案件編號：HCCC 205/2008