【本報訊】人工湖大量孳生蚊隻，於公園內「擇人而噬」，康文署以噴灑蚊油方式控制蚊患，嚴重破壞自然生態環境，而四周貼滿蚊貼，亦只能治標，不能治本。
長春社公共事務經理李少文指出，人工湖湖水乃蚊蟲孳生的溫床，飼養魚類及龜類等動物，除收觀賞之效外，亦可擔當生物防治角色，功效遠較噴灑蚊油及蚊沙等為佳。李又稱，蚊油屬殺蟲劑，具化學物質，對環境造成破壞，「其實佢（康文署）要做嘅係控制湖入面生物嘅數量，依家捉走晒食蚊嘅生物，然後就用化學劑去控制啲蚊，根本就係本末倒置。」李少文建議重新飼養繁殖速度較慢的生物，既可平衡生態，又具觀賞價值。
李少文又稱，誘蚊貼乃透過強力黏附力將蚊子黐住，只可治標，滅蚊應該從減低蚊隻繁殖機會着手，「咁多蚊，幾多誘蚊貼都唔夠，而且仲可能連蜻蜓呢啲食蚊嘅昆蟲都黐埋！」