劉秀成指失敗任總想理解

金管局總裁任志剛尋日首次就雷曼事件出席立法會聆訊，面對議員來勢洶洶嘅提問，任總一五一十數出過去佢做過幾多監管金融機構嘅工夫。不過佢畀雷曼小組委員劉秀成一語道破，佢質問若果任總真係做齊工夫的話，點解仲會發生咁多問題？素來自信十足嘅任總終於招架不住，承認連佢都好想知點解會咁。