現年六十五歲的張女士，去年接受右腿靜脈曲張手術後康復良好，但因左腿亦有靜脈曲張情況，今年三月於博愛醫院接受手術，惟手術後腿部瘀黑及持續痛楚，懷疑有醫療失誤，「個醫生話明同上次一樣，但做完（手術）就痛到行唔到，上次得一個傷口，今次就有成四個（傷口），真係冇陰功！」
病人互助組織聯盟主席張德喜批評醫護人員講解手術過程有欠詳細，易惹誤會，「尤其係向年紀大嘅病人講解手術情況時，更加需要多啲耐性，如果唔係好易引起誤會。」
新界西醫院聯網發言人則解釋，病人左下肢靜脈曲張情況較右下肢嚴重，手術步驟較複雜；為減低復發機會，須進行多次剝離步驟，以徹底清除曲張靜脈。至於瘀傷及痛楚乃手術後常見的併發症，醫護人員已向病人講解。