政情：劉慧卿睇唔過眼叫黃成智道歉

本報揭發民主黨立法會議員黃成智喺上年立法會選舉期間虛報職業。黃成智堅稱事件只係小疏忽，一直冇道歉，民主黨主席何俊仁雖然代佢道歉，但都幫晒口話佢只係「無心之失，並非個人誠信問題」。加入民主黨做副主席唔夠半年嘅劉慧卿唔多適應民主黨嚴人寬己嘅作風，所以一直認為要嚴肅處理事件，佢覺得黃成智應該向公眾道歉，而且仲排埋議程喺今個星期四嘅黨團討論，睇嚟黃成智想走得甩都幾難嘞。

匯控供股制唔過？專家教路散戶必睇！
詳情瀏覽on.cc《匯控供股自保攻略》