政情：黃成智扮阿旺「唔知」錯

民主黨黃成智身為立法會議員，平日嘅工作就係審議法案，逐粒逐粒字睇清楚。不過佢自己去年參加立法會選舉時，竟然自稱「大頭蝦」兼一時疏忽，明明已經唔係註冊社工，仲喺候選人簡介職業一欄中，填上「社會工作者」五個字。一次寫錯就可以推說疏忽，但原來黃議員喺成個選舉中都標榜自己係擁有註冊社工專業資格嘅「社工議員」，咁都算係疏忽﹖如果係嘅話，呢位議員做事就粗疏得緊要囉，以後佢審議過嘅法案都唔知信唔信得過呢？

匯控供股制唔過？專家教路散戶必睇！
詳情瀏覽on.cc《匯控供股自保攻略》