本文重點
【本報訊】「差三步就救到佢㗎喇！」目睹三歲男童玩「亡命滑梯」的街坊梁先生，慨嘆未能及時營救，幸好男童墮樓後仍清醒大叫「媽咪」，傷勢不重。男童阿姨得知姨甥出事後，立即到現場抱他上樓，一度拒絕報警，結果由街坊代為報警。
梁憶述男童滑下帳篷後，面上竟無懼意，他已心知不妙，他說：「我抬高頭見個細路坐喺頂伸對腳出嚟，我猛咁叫佢唔好郁，話我嚟救佢，點知去到佢都跌咗落嚟！」梁又指，男童墮地撼穿下顎，哭叫：「媽咪呀！」
另有目擊的街坊表示，當時有一名女子急忙跑來將其抱上樓，後來才知是男童阿姨。「個細路流好多血，成個身好多血漬，我猛叫佢阿姨唔好抱佢上樓，一定要同佢去醫院，但對方唔肯聽，好似好驚報警咁！」街坊其後便代為報警。
帳篷成救生氣墊
百厭星將帆布帳篷當滑梯玩險死，理工大學機械工程學系工程師盧覺強指，帆布帳篷成為男童的「救生氣墊」。若以該名男童體重廿五磅計算，他由平台沿帆布帳篷滑下，並不會砸穿帳篷，反而可卸去卅至四十磅衝力。當男童再由兩公尺高滑下，因他以倒伏姿勢及手腳先着地，四肢已替他卸去不少力，故墮下力度只有卅多磅，不會造成重傷，若男童由平台直墮地下，衝力高達八十多磅，便可能命喪當場。