兩年前的今天，龔如心在養和醫院病逝。然而，神秘商人陳振聰和一紙龔如心○六年遺囑的出現，讓華懋王國陷入一場爭產風暴的風眼中，迎戰的責任落在龔如心胞弟、接棒領導華懋的龔仁心身上。一向低調的龔仁心接受本報專訪時，首次公開披露他對胞姐、親情、對手及爭產官司的看法及感受，認為這是一場法律之戰、公益之戰及聲譽之戰。
病況嚴重仍記得做慈善
龔仁心表示，胞姐龔如心一直都有將財富回饋社會、濟貧扶弱的意願，而且多年來不斷透過華懋慈善基金捐助弱勢社群，因此她將遺產全數捐給華懋慈善基金是言行一致，其○二年的遺囑就更加清晰反映了她生前常說的「來自社會，回饋社會」的意願，且直到離世亦未有聽聞有所改變，「佢到咗07年3月（即逝世前約一個月），仲捐緊3,000萬做慈善，嗰時候係佢病得好……真係好嚴重嘅時候啦，佢仲記得做慈善，咁你話佢最記得係咩嘢呢？係嘛？一個人到咗佢生命嘅最後，佢做出嚟最大嘅事就係慈善嘅嘢，係嘛？我覺得已經無疑問㗎啦。」
「但過咗幾日呢，先至有一個人出嚟話唔係㗎，唔係依件事。」龔如心病逝後不久，突然冒出陳振聰，並聲稱持有龔如心○六年遺囑，乃其遺產唯一受益人，令龔家措手不及，龔仁心表示當時確感驚訝，「我哋從來無聽到依啲，所以覺得好奇怪，覺得點解由邊度多咗一張咁樣嘅紙出嚟呢？吓？」
陳振聰戀人牌一廂情願
至於陳振聰不惜曝光和龔如心的十四年忘年戀，試圖打情人牌增加爭產籌碼，龔仁心不屑地認為這是陳一廂情願的說法。但龔仁心承認，這對龔如心的名譽及龔家的感受，都曾造成一定傷害，「依啲呢，係不可避免嘅。但係對我家姐嚟講，我覺得無咩特別問題呀，因為我覺得一個人你要睇佢最大程度係咩嘢。」
「我唔知佢點面對仔女」
龔仁心反而認為戀情之說，受最大傷害的正正是陳振聰的家人，「我唔知佢點樣面對自己嘅仔女……」。「我覺得對後輩，你自己要做一個人辦畀你仔女、子子孫孫睇，應該點做人，係做個辦畀人睇。」龔仁心更無懼胞姐的私隱被公開，他稱，中國人講「蓋棺定論」，亡姐把全部財產回饋社會的偉大宏願，已經足夠光榮，以前做過甚麼事，大眾未必太過介意，甚至有市民寫信支持他打官司保護慈善基金。「你去街上問一個，問一個市民：『你係介唔介意佢以前做過啲其他嘢，或者覺得佢好偉大？因為攞晒錢出嚟畀公眾呢。』」
龔仁心坦言，打官司他無所得益，亦與他的身份無關，而是為了龔如心的遺願，為了華懋慈善基金，換了是另外一個人也會如此做。至於官司的應對策略，他笑言是律師的事，即使有也不會公開，公開了就不算策略，而且會影響到法律的公正，「如果我喺度埋伏緊，話畀你知，你唔嚟啦，咁我咪白白埋伏。」
陳振聰悼念詞：親密關係
龔仁心透露，胞姐兩周年死忌，家人會以私人儀式悼念，他稱龔如心骨灰安放在神秘地點，但他認為龔如心葬在何處不重要，甚至無地方葬都不重要，最重要的是她活在人們的心中。龔仁心稱會在靈前告訴胞姐：「鬥爭仲未到最後一日，官司未到最後一日，我哋會繼續努力落去，一定會到贏嗰日為止，希望你在天之靈，都可以睇住我哋打贏呢場官司，同埋以後保佑我哋好好運作公司，運作慈善基金。」說到在九二年初次相見的「風水先生」陳振聰，龔仁心只有一句話：「我當時唔會同佢做朋友，就係咁簡單，依家更加唔會同佢做朋友。」
陳振聰昨日透過發言人表示，「過去十數年，我和如心建立了深厚親密的關係，直到現在我仍十分掛念及想念她 ，特別在接近她忌日的這段時間，更讓我感慨萬分。我倆的關係一直都是低調隱密，不對外公開。我衷心希望亦深信如心的遺願一定可以被認定及能得到尊重，我相信真相終有一日會大白，亦深信司法是講求事實的真相。」