毋須駁電！Snap-On 360°鏡頭全景合成

全景相機都玩咗幾年，不少人甚至將360影片分享至Facebook或抖音等平台，不過傳統360 Cam需要駁電或配對才能使用，PanoClip全新Snap-On 360°鏡頭卻突破框框，內裏沒有電子零件，故毋須接駁任何電源。玩家只需將它套上iPhone的前後鏡頭位置，便可透過App拍攝360全景相片，定價$279夠晒抵玩。
利用Snap-On 360°便可經iPhone前後鏡頭拍攝和合成全景影像。
利用Snap-On 360°便可經iPhone前後鏡頭拍攝和合成全景影像。

支援iPhone手機

Snap-On 360°鏡頭的結構簡單，兼容iPhone 7/8、iPhone 7/8 Plus、iPhone X多款型號，機身前後各設有一支魚眼鏡，由於它並非插上Lightning插口，而是直接套於手機的前後鏡頭以光學原理運作，連Wi-Fi和藍牙都唔會用到，因此不會消耗手機額外電源。只需配合《PanoClip》手機App，便能將鏡頭的前後影像合併。惟鏡頭只能夠影相，做唔到拍片功能，而且拍攝後要等幾秒才可合成出全景相。

濾鏡加貼圖玩法

玩法方面，《PanoClip》App內置多款濾鏡和工具，除了基本的美顏功能，令主體肌膚變得白滑，仲有多達9款濾鏡特效任揀，讓各位調校不同色Tone；同時支援貼圖功能，可於相片加入公仔、表情和圖案，效果爆趣。而且拍出來的全景影像，唔單止能夠用手機App碌住嚟睇，還支援VR功能，各位戴住VR眼鏡便能玩盡第一身視角效果。

售價：$279（不連手機）
  • 售價：$279（不連手機）
每邊設有一支魚眼鏡頭，記住千祈唔好前後調亂。
  • 每邊設有一支魚眼鏡頭，記住千祈唔好前後調亂。
試相區<br>360相片的合成效果頗為理想，就算放大細看也沒有發現明顯的接駁位，而且顏色表現豐富。
  • 試相區
    360相片的合成效果頗為理想，就算放大細看也沒有發現明顯的接駁位，而且顏色表現豐富。

相片變10秒短片

雖然Snap-On 360°鏡頭只可以影相，但係App另一好玩之處是能夠將靜態相片，以不同視角並加入音樂，製成一條生動的10秒短片，還可加入天空變化效果，當App偵測到相片有天空背景，短片可將它變成星空夜景。「加工」後的影像還能分享到社交平台，由Facebook、WhatsApp、WeChat，以至近期熱玩的抖音（Tik Tok）都支援得到。

Snap-On 360°鏡頭機仔細細，入面冇任何電子零件，所以毋須接駁電源；而且輕巧便攜。
  • Snap-On 360°鏡頭機仔細細，入面冇任何電子零件，所以毋須接駁電源；而且輕巧便攜。
拍攝後App會自動合併前後畫面，可以碌住手機睇相。
  • 拍攝後App會自動合併前後畫面，可以碌住手機睇相。
鏡頭支援iPhone 7/8、iPhone 7/8 Plus和iPhone X，所以手機槽會有不同闊度。
  • 鏡頭支援iPhone 7/8、iPhone 7/8 Plus和iPhone X，所以手機槽會有不同闊度。
經過合成的影片和相片，能夠直接分享至抖音、Facebook和WhatsApp。
  • 經過合成的影片和相片，能夠直接分享至抖音、Facebook和WhatsApp。
最好玩係能夠把相片變成10秒短片，並加入背景音樂。
  • 最好玩係能夠把相片變成10秒短片，並加入背景音樂。
App只要偵測到天空背景，即可變成星空效果。
  • App只要偵測到天空背景，即可變成星空效果。
可為相片加入美顏等濾鏡特效，還可貼上公仔或圖案。
  • 可為相片加入美顏等濾鏡特效，還可貼上公仔或圖案。
Insta360 One除了可駁上iPhone的Lightning插口，亦可獨立使用。<br>售價：$1,680
  • Insta360 One除了可駁上iPhone的Lightning插口，亦可獨立使用。
    售價：$1,680

其他選擇：Insta360 One 炮製子彈時間

除了Snap-On 360°鏡頭外，其實市場上另有適用於iPhone的360全景相機，當中Insta360 One能夠接駁手機的Lightning插口影相拍片，影片質素高達4K，仲支援類似電影《22世紀殺人網絡》的子彈時間（Bullet Time），玩家只要利用跟機的繩索將Insta360 One舉於頭上不停打圈揈，即可以120fps錄製並合成Bullet Time影片，好玩度爆燈。

撰文：黎子豪

攝影：莫文俊

模特兒：Martina Yuen

查詢電話：3520 3538