波衫FASHION LOOK型撐足球盛事

四年一度嘅足球盛事展開一周，主辦國俄羅斯於揭幕戰以5：0賽果盡顯「戰鬥民族」高昂戰意；冰島團隊精神逼和兩屆盟主阿根廷；日本爆冷贏首場……你鍾唔鍾意都好，喺呢個全城陷入足球狂熱嘅時候，都幾難獨善其身不受「波」及。如果你唔鍾意坐定定喺電視前面兩個鐘（全場90分鐘加補時差不多）為愛隊打氣，亦唔會用成副身家投注去瞓身支持的話，要撐鍾意嘅國家隊仲有一個方法，就係直接將國家隊波衫着上身以表心迹。

adidas Originals<br>阿根廷隊主場球衣 $799、灰色NMD運動長褲 $599、黑色NMD R2 $1,199 All from（B）<br>adidas The Telstar 18足球 $1,299（A）

adidas Originals
阿根廷隊主場球衣 $799、灰色NMD運動長褲 $599、黑色NMD R2 $1,199 All from（B）
adidas The Telstar 18足球 $1,299（A）

作客球衣易襯唔怕撞

平日着波衫出街就話怕畀人當波牛兼話自己唔識襯衫啫，但依家賽事正踢得如火如荼，唔着番件波衫出街真係驚同朋友同事冇話題。揀波衫與睇波一樣，大家都偏向追捧一啲大家熟悉嘅國家隊如德國、巴西、英格蘭、西班牙及日本等，但行出街個個都變咗隊友的確有啲尷尬。如果想支持上述球隊但又唔想同人撞衫的話，選作客球衣會係唔錯嘅替補方案，而且好多時作客球衣配色設計亦會相對低調，變相用嚟襯出街衫又會容易好多。

Nike法國隊足球帽 $199、法國隊作客球衣 $599、法國隊迷你足球 $99 All from（C）	adidas Originals哥倫比亞隊主場球衣 $799、黑色NMD運動短褲 $499、黑色長襪 $129、黑色NMD R2 $1,199 All from（B）	izzue×Kappa黑色球衣 $399、紅色短褲 $439 All from（F）
Nike尼日利亞隊主場球衣 $599（C）、黑色束腳長褲 $549、黃×黑色（2006 Mercurial Vapor III配色）、Air Max 270 Premium iD $1,299 All from（D）	圖5中Model身穿的尼日利亞新波衫，設計與早前推出的Nike×Acronym Air VaporMax Flyknit Moc 2極為相似，唔知係咁啱定早有鋪排呢？	adidas日本隊作客球衣 $599（A）
adidas德國隊作客球衣 $599（A）	adidas Originals西班牙隊主場球衣 $799（B）

「超霸鷹」新作充滿時裝味

如果你着厭咗大熱球隊波衫的話，其實可以揀偏門少少嘅國家隊波衫，例如瑞士、韓國或哥倫比亞等，款式罕見之餘又冇咁易撞衫。若單純從時裝角度出發，今季最靚最有時裝味的國家隊波衫一定是「超霸鷹」尼日利亞，因為新款波衫設計以綠 ×白色及白×黑色類似Zig Zag圖案造出猶如飛鷹羽毛效果，其設計與早前所推出的Nike× Acronym Air VaporMax Flyknit Moc 2極為相似，難怪此波衫推出後於全球均被極速掃斷貨，極度渴市情況下更有炒價出現。

Nike韓國隊主場球衣 $599（C）

Nike克羅地亞隊主場球衣 $599（C）

Puma烏拉圭隊主場球衣 $599（E）

聯名系列勝在有特色

除了入手不同國家隊波衫單刀直入撐愛隊外，其實坊間亦有不少潮流品牌以小組進攻方式推出與足球元素或國家隊相關的潮流服飾，等你可以湊吓足球熱潮，當中好似izzue就與意大利品牌Kappa推出聯名系列，以紅黑白3色推出多款富有足球色彩的運動衫及運動褲，對於無緣進身決賽周的意大利國家隊球迷嚟講，呢個izzue×Kappa系列都可以話係另一種心靈慰藉。另英國時裝品牌Fred Perry亦趁盛事舉行推出Country Shirt系列，將包括：比利時、法國、德國及英格蘭等十多個足球強國的國旗顏色融入招牌Polo Shirt當中，除了於領口及袖口位置加入相關色間之外，胸前經典月桂花冠標誌下更有該國名字刺繡；而主辦國俄羅斯嗰件更採用俄文「POCCNR」而非英文「Russia」，最有特色。

izzue×Kappa紅色球衣 $399（F）

Fred Perry俄羅斯隊配色上衣 $899（G）

Fred Perry巴西隊配色上衣 $899（G）

時裝猛人參一「腳」

另外由Virgil Abloh及Kim Jones兩位時裝界大紅人所打造，以足球為主題的聯名系列Nike×Off-White「Football,Mon Amour」及Nike×Kim Jones「Football Reimagined」剛剛開賣冇耐，當中包括多款波衫、外套及褲款，同時兩個系列亦分別以Mercurial足球靴為靈感推出Zoom Fly Mercurial及Air Max 360 High兩對聯名鞋款。如果成功入手當然恭喜你，但無緣擁有都唔使灰心，因為Nike仲為你準備好以5款經典Mercurial足球靴配色作設計的Air Max 270 Premium iD系列，將足球主題與大熱波鞋無縫接軌。