Boston Bag 波士頓袋

位處美國東北部的波士頓除了是新英格蘭地區最大城市之外，亦是哈佛大學及麻省理工學院等著名學府的所在地。名校多自然書卷味都濃過人，除了學術範疇以外，大家平時見慣見熟嘅Boston Bag其實亦跟波士頓有關。據說昔日許多波士頓大學生都鍾意用呢種袋底平坦，拉鏈開口夠大而且有兩個手挽的Boston Bag，貪佢容量夠大可以放得落書本之餘，仲可以裝隨身物，久而久之Boston Bag就成為「波士頓名物」，與Boston Frame眼鏡一樣由大學校園紅到去時裝界成為經典。