坐住招財貓行大運
新一年大家有甚麼願望？身體健康以外，升官發財亦是大家所想吧！機會嚟啦，飛雲！為慶祝東京玉川線開通110周年（於1969年路線被縮短，並改稱為世田谷線），東急電鐵與該路線最具代表性兼傳說為招財貓發源地的豪德寺合作，由即日起至2018年3月底（暫定）推出招財貓彩繪電車。列車除車頭和車身印上招財貓頭像外，內裏地板亦貼上貓咪腳印，而扶手也是招財貓的造型，十分可愛！各位貓奴，新一年坐一次招財貓列車行大運發大財吧！
網址：www.tokyu.co.jp
有咁耐風流！黑武士淪落「洗大餅」
電影《星球大戰：最後絕地武士》口碑兩極，有人嫌奸角Kylo Ren性格飄忽，忠奸難分唔夠昔日大奸角黑武士（Darth Vader）咁窮兇極惡喎！但大家可有想過，若黑武士遇上經濟危機，要「放下屠刀」生活會係點呢﹖
比利時攝影師Michaël Massart早前就以「Empire Against the Crisis」為題，拍攝了一輯相以記錄黑武士及白兵（Stormtrooper）在帝國軍經濟崩潰下的慘況。
他們為了餬口，由低做起，洗碗、洗車、洗廁所、送外賣，到巴士司機、會計文員到交通督導員都要做。最搞笑是他們還懂得物盡其用，會用激光劍做音樂指揮棒、幫客人脫毛，當然若用埋原力，相信可以搵到更多錢！相集創意爆燈，而且難得見到黑帝淪落一面，反抗軍Fans睇完應該很心涼！
網址：http://bit.ly/2y8AePa
新年拉炮掟杯麵 玩咁大？
好多人開派對都愛有小玩意，好似拉炮、拍手器等來增添氣氛，之不過有無想過用個杯麵做拉炮呢？由日本日清以人氣產品的日清杯麵作設計靈感而創作的全新カップヌードルクラッカー（日清杯麵拉炮），於即日起發售，一包4個，每包售270日圓（約HK$18）。外形與一般拉炮無異，都係圓錐狀，包裝紙印上杯麵圖案，一拉開，有麵條、蝦仁、謎肉射出來，玩食物做大嘥鬼？No La！這些食材全部以綵帶或紙條製作，唔會熱辣辣又或者油淋淋，由於像真度頗高，千萬不要在去舊迎新嘅半夜派對畀班「餓鬼」當杯麵食囉！
網址：http://bit.ly/2z121BG
12紅髮男 爆肌反欺凌
「鬼仔+靚仔+爆肌」，這條方程式是否很Eye Catching、令人（尤其是絲打）想入非非呢？英國攝影師Thomas Knights與設計師Elliott James Frieze第四度聯手，炮製Red Hot British Boys 2018月曆，12位英國男模特兒統統赤膊上陣，甚至性感到極致。
不要以為Red Hot只是低俗地賣弄肉感，其實這個項目別具意義。對香港人而言，紅髮可能是型與In的象徵，但在西方社會，傳統上都對紅髮有偏見，由於基因關係，不分男女，很多紅髮者的皮膚都會偏白，面上亦有較多雀斑，他們在學生年代，頗易受到同學以有色眼鏡對待，甚至歧視、欺凌。Thomas Knights本身都是紅髮族，為向這種不公平的傳統說不，於是2013年起與Elliott James Frieze聯手，為多位紅髮族男女拍攝寫真兼辦影展，傳達「Be comfortable in your own skin」，以及「Be proud of who you are」等正面訊息，並於2014年起推出月曆，為宣揚反欺凌訊息的組織與基金籌款。
網址：https://www.redhot100.com
無眉娘不再 人人變美眉
大部分人天生愛美，女士尤甚，很多女生會嫌雙眼不夠大、雙眉不夠濃密等，日本早前推出一款Eyebrow Extensions仿真眉毛Gel，只要花少少時間，用鉗子逐少逐少把仿真眉毛貼在稀疏的眉處即可，眉形和濃密度更可隨個人喜好而加減，最重要是，能做出自然感覺，好過用眉筆齋上色，以後就不用再做無眉娘了！
網址：http://bit.ly/2kXeIcl
近距離感受 雪花魅力
香港屬亞熱帶地區，要在這裏欣賞雪景基本上是不可能，想過一個白色冬日，惟有遠赴外地。為了展現雪花的美麗，俄羅斯攝影師Alexey Kljatov花了很長時間研究微距攝影技術，繼而拍攝了一系列的微距雪花攝影作品，在他的鏡頭下，雪花並不是單純的白色，而是一片片晶瑩剔透的結晶，令身處熱帶地區的人也有機會近距離感受雪花的魅力，投入大自然的世界。
網址：http://bit.ly/2Dixp0S
堅索爆！高人氣上海妹子
IG索女特別多，但要令人一見難忘嘅，就唔係個個都有本事。今次介紹呢位上海索女Kathy Zheng（IG@kathyyymm）近期喺網上都引起唔少人關注，但同佢極高人氣不成正比嘅係，網上關於呢位妹子嘅資料真係唔多（是但啦，叫你睇相，又唔係叫你相睇），淨係知道佢依家喺加州留學。Kathy喺IG有超過22萬粉絲，索爆化妝加上張張相都打出個心口，觀賞性又的確係幾高。