白雪雪薯仔？
天氣明顯轉涼後，連濕度都愈來愈低，乾燥得很。有一種去皮後白雪雪、有點似番薯及薯仔混合體的蔬果很適合這時節食用，因為具清熱潤肺的功效，可以煲湯、煲糖水，甚至當生果食都得，究竟是甚麼東西呢？太和街市一間菜檔的負責人華姐指，此果名為雪蓮果，又叫天山雪蓮果，它同時有地下水果之王的美譽，原產於南美洲，當地人更稱之為神果。
雪蓮果蘊含豐富維他命及養分，亦具食療保健作用。新鮮的雪蓮果有一層濕潤的泥漿，只要用水邊沖邊洗，即可將泥垢洗淨，刨去啡褐色的薄皮後，便是白雪雪的果肉。
白色的果肉既可直接食用，質感爽脆清甜，比雪梨還要汁豐，亦可配以南北杏、豬（月展）及粟米煲約3小時成滋潤湯水；又或者簡單用南北杏、雪耳、冰糖清燉成糖水，用來趕走燥熱。
