二千有找！ K8靚聲伴隨

唔少用家鍾意用手機煲劇，有靚聲加持自然效果更好。定價二千元有找的Lenovo新機K8，引進杜比全景聲音效技術，支援音樂、電影、遊戲等模式，無論以機身喇叭播放抑或插入耳機，同樣可享用相關音效技術，以後聽歌、睇戲或打機都有環迴立體聲伴隨。硬件方面則屬入門級數，搭載MediaTek P20處理器、3GB RAM及32GB ROM，基本操作流暢。另內置4,000mAh電池，正常使用可以撐足一天，續航力不俗。順帶一提，機身左側備有一個「音樂鍵」，用家可設定長按功能，包括播放/暫停音樂、開啟相機、電筒或指定應用程式等，而按兩下、按三下分別是跳播下一首歌及上一首歌，聽歌更加方便。