秋冬牛魅

潮流變化的速度快得驚人，上季興完，今季隨時有機會被趕離場。但耐穿耐看的牛仔褸，即使大氣侯點改變，一年四季都合穿，在這微涼天氣就更加適合。一般的情況之下，大家買衫都會揀稱身的尺碼，不過買牛仔褸又另作別論，膊頭位唔使啱啱好，少少Oversized反而是時裝人心水。香港的秋天始終和歐美地區不同，未算太涼，配搭小貼士是內穿一件Tee或恤衫，擋到風，又唔會太焗身。下身再配搭牛仔單品，以永不過時的Denim On Denim方程式示人，簡單又順眼，行出街一定冇得輸。