LEGO神物泰姬陵復刻在即

今年最驚天地泣鬼神嘅LEGO款式，當然係有史以嚟最大盒嘅Ultimate Collector Series Millennium Falcon（75192），不過喺呢款珍寶級千歲鷹面世前，又有邊款LEGO以「大」聞名？仲要個個視為Dream Toy？泰姬陵（Taj Mahal）肯定榜上有名吧！
整座建築由顏色到尺寸都跟番舊版，高43cm，長度與闊度同為51cm。
整座建築由顏色到尺寸都跟番舊版，高43cm，長度與闊度同為51cm。

話說編號10189嘅Taj Mahal，屬於LEGO Creator系列，喺2008年推出，甫上架就被奉為神物，後追嘅玩家難免要捱炒價，不過世事冇絕對，復刻嘅機會終於嚟喇。LEGO官網剛剛宣布，將於本月27日再度推出呢款神物，編號改為10256，由尺寸、顏色到結構都冇變，長度與闊度依然是51cm，高度亦保持為43cm，整座建築都以象牙白為主色，襯上藍、黃雙色，奇就奇在對比番新舊嘅Box Art，就會發現新版嘅組件數目為5,923枚，比起舊版多咗1枚，到底呢粒Brick係乜東東？相信答案要等到11月27日先有分曉，現時官網已接受預訂，售價US$369.99，與坊間嘅炒價相比，當然易入手得多。

網址：http://lego.build/2zWkL6d

整座LEGO泰姬陵可分為若干主群組，讓玩家輕易拆解。
  • 整座LEGO泰姬陵可分為若干主群組，讓玩家輕易拆解。
如實物一樣，陵墓四角都築有尖塔，拱衞主建築。
  • 如實物一樣，陵墓四角都築有尖塔，拱衞主建築。

七彩貨櫃食玩買　全新台中新蒲點

到台中，除了游走大大小小的夜市外，還要到全新蒲點打卡，說的是早前在員林市條和街開設的KoKoMo私房惑櫃。甫到達，見到的是五顏六色的貨櫃，以不規則形式搭建成K字，極具視覺效果。內裏設施甚多，包括親子餐廳、酒吧、沙池、戲水池、遊戲室等，每個位都是影相呃Like點，而當中的婚紗基地水中攝影，勢必成為準新人追捧的婚紗拍攝地。至於1樓用餐區，則以工業風作設計基調，供應輕食、西餐、薄餅及兒童餐等，選擇多元化。而日間和晚上的氣氛更是截然不同，無論大人或小朋友，相信都能盡情吃喝玩樂。

Facebook@KoKoMo999

貨櫃塗上七彩顏色，再砌成K字，搶眼得很。
  • 貨櫃塗上七彩顏色，再砌成K字，搶眼得很。
水池可作場地租賃，還提供婚紗基地水底攝影服務，很受新一代的準新娘歡迎。
  • 水池可作場地租賃，還提供婚紗基地水底攝影服務，很受新一代的準新娘歡迎。

Freestyle另類自拍　Chinning搶Fo

人人Selfie都想展現最靚最完美一面，三七面、高炒、V臉等絕對是指定動作！凡事有例外，現就讀於波士頓的21歲大學生Michelle Liu一反潮流，以超誇張角度展現出緊縮下巴來自拍，盡量放大雙下巴、包包面等，並把這個搞笑Pose稱為「Chinning」。中學時Michelle反思時下的審美標準，激發她自創忠於自我的「Chinning」。後來遊歷世界如浪漫的巴黎鐵塔、繁華的紐約街頭、美麗的阿爾卑斯山，或是莊嚴的天安門等，都自拍「Chinning」，有次更邀請同機多位機艙服務員齊齊「Chinning」呢！她樂在其中，亦獲網民一致好評。

Instagram@chinventures

Michelle自創的搞笑「Chinning」，在世界各地留下獨特的Selfie。
  • Michelle自創的搞笑「Chinning」，在世界各地留下獨特的Selfie。
她盡量放大雙下巴、包包面等來自拍，真夠自我！
  • 她盡量放大雙下巴、包包面等來自拍，真夠自我！
與樹熊深情對望，好冧呀！
  • 與樹熊深情對望，好冧呀！

超誘惑！半裸爆肌消防員月曆出爐

眨吓眼仲有兩個月就到2018年，又是時候買新月曆！對於女生，靚仔與小動物永遠都是最吸引，將兩者結合可以話無敵。這個無敵組合正正喺最新2018年澳洲消防員月曆找到，由一班爆晒肌的靚仔消防員與超可愛小動物一同拍照，唔單止火辣，仲見到猛男柔情的一面，真係令人心跳加速。

澳洲消防員自1993年起，每年都會攝製月曆，收入會捐贈給澳洲各個慈善組織，幫助有需要人士。今年踏入25周年，特別推出6款不同主題，包括以不同區域劃分的4個版本，另外還有澳洲動物園動物版和可愛狗狗版。如果你都想擁有這本咁養眼的月曆，可以網購，每本售20澳元，連郵費大約HK$160。

網址：http://bit.ly/2yflkKk

設有6款不同造型的貓貓豉油碟。
  • 設有6款不同造型的貓貓豉油碟。

貓咪豉油碟　一斟即現形

如果你是貓奴，又喜歡日本那些得意可愛的生活雜貨，這款貓貓豉油碟肯定是你杯茶。驟眼睇只是普通不過的白色豉油碟，但只要你夠細心，不難發現碟底飾有一些貓形圖案凹槽，只要將豉油倒入去，貓咪圖案即展現，一套備有6款，每款都有不同的貓貓圖案，相當過癮可愛。日本TOKYU HANDS、TSUTAYA部分分店及amazon都有出售，一套6款售4,380日圓，準備去日本旅行的朋友就記得順便入貨了。

網址：http://amzn.to/2ylICQa

Canal City將會推出新一輯3D動畫，帶來全新超大震撼感。
  • Canal City將會推出新一輯3D動畫，帶來全新超大震撼感。

One Piece粉絲　去福岡睇新一輯3D動畫

要數日本最具號召力動漫，今時今日一定係《One Piece》！除了相關產品花多眼亂外，以這套作品掛帥的搞作亦多不勝數，例如福岡市的Canal City，去年11月中旬播放了《One Piece Water Spectacle》的3D投影動畫來慶祝20周年，此作特別之處是於地庫Sun Plaza作2,500吋的超大3D投影，再加上前方的動態水柱、燈光及強勁音效互相配合，帶來了路飛為首的草帽一夥海盜集團超震撼戰鬥場面，並一度成為了網絡熱話。最近Canal City再接再厲，將於11月25日至2018年5月24日推出該系列的第2彈，今次投影的動畫會有白星、波雅漢考克及四皇三大人氣角色登場，令新作內容更熱鬧豐富。

網址：http://bit.ly/2z1HRsF

IG@djmel_jpn
  • IG@djmel_jpn

日本逼爆DJ in the house

唔知各位巴打最鍾意邊Type靚女呢？可愛型？性感型？我咁問法，你都估到我會好老套咁講句「Why Not Both」啦！言歸正傳，今次介紹呢位日本妹子DJ mel（IG@djmel_jpn），真係帶畀大家三重驚喜。第一，睇佢個樣仲以為未夠秤入酒吧，點估到佢其實已經係酒吧DJ。第二，你以為佢Sell Cute咩？你睇佢啲相，張張都打出大個心口，真係令人大滿足。最後，呢位妹子教識大家，呢個世界唔係得DJ Soda嘅（雖然佢仍然係好好睇）。

撰文：副刊組

相片：互聯網圖片