傳統Vs新派自製Moon Cake秘笈

中秋佳節倍思念，餽贈月餅給摯愛親朋當然是傳達心意的最佳方法。月餅口味推陳出新，包裝與賣相也愈來愈講究，花多眼亂唔知點揀？不如自己動手做吧！傳統雙黃蓮蓉月餅不乏年長一輩的捧場客，製法相當考功夫，年輕人大可整幾個孝敬長輩；冰皮奶黃月餅做法簡單又好味，還可以整色整水變出多個可愛造型，大小朋友收到一樣歡喜；一於跟經驗師傅整餅，應該趕得及在中秋前送上自製月餅。

雙黃蓮蓉月餅（a）<br>由調校糖水、揉搓餅皮、煮製蓮蓉每個步驟都不經機器製作，在市面上已買少見少；想品嘗傳統雙黃蓮蓉月餅也可以自家炮製試試。

雙黃蓮蓉月餅（a）
由調校糖水、揉搓餅皮、煮製蓮蓉每個步驟都不經機器製作，在市面上已買少見少；想品嘗傳統雙黃蓮蓉月餅也可以自家炮製試試。

DIY月餅傳情達意

元朝時朱元璋將寫有起義訊息的字條夾在月餅中，再分派到各地起義軍中準備抗元。不過其實早在唐朝時期已有月餅出現，人們會在中秋節當日用作祭品，唐僖宗亦曾賞賜給新科進士；可見中秋節食月餅由來已久。大家食慣各大牌子的出品，今年不如試試親手製作，到時也可以攝紙條入月餅傳情達意。

傳統考功夫

元朗阜財街一家超過70年歷史的老餅家每年中秋都會賣出逾40萬個月餅，東主兼老師傅謝禎原表示，傳統月餅不加防腐劑卻可以擺放1至2個月，原來秘訣在於糖水。「調校糖水很考功夫，水必須浸過沙糖2吋，滾4小時至轉色，期間加4次蛋水以黐走雜質，煮完的糖水就會像花生油般濃稠，色澤亦較深。」不過糖水實在太花時間製作，謝師傅建議自家製可用糖漿代替。

餅皮材料（約12個，視情況而定）

糖水 1斤1両

低筋麵粉 1斤

生油 5両

梘水 2錢

餡料（每個）

蓮蓉 3両4

鹹蛋黃 2個

做法

1. 先將麵粉過篩，在中間位置畫一個圓形，倒入生油、糖水和梘水。

2. 將麵粉逐少拌入，直至搓成麵糰。

3. 反覆揉搓後用保鮮紙包裹麵糰，待其發酵；之後將麵糰分成小份，備用。

4. 製餡料，將兩顆蒸熟的鹹蛋黃釀入蓮蓉內，搓圓包好。

5. 壓勻餅皮，釀入餡料後搓好。

6. 撒少許麵粉在餅模內，把麵糰放進餅模壓實，然後左右兩邊各撞擊桌邊1至2次，拍出月餅；放入200℃焗爐焗約18分鐘即成。

做法

1. 製餡料，先洗淨綠豆，浸水4至6小時，放蒸籠內用大火蒸40分鐘，熄火焗30分鐘，放鑊中加沙糖和橄欖油炒香，放涼雪凍備用。製作餅皮，將麵粉、粘米粉、糯米粉、沙糖、煉奶及鮮奶拌勻，蒸30分鐘。

2. 麵糰放涼後加橄欖油搓勻，分成每粒約20克的小丸子，壓平備用。

3. 將餡料的鹹蛋黃釀入綠豆蓉內，搓成圓形，用餅皮包裹。

4. 以食用色素為餅皮上色，製成眼耳口鼻等動物得意外形即成。

貼士

i. 蒸熟的鹹蛋黃必須抹乾淨，否則容易發霉。

ii. 入爐前掃少許清水會令餅皮更軟熟。

iii. 蓮蓉可買現成貨，以湘蓮自家製作則更清香軟滑。

雙黃蓮蓉月餅餅皮材料及餡料

雙黃蓮蓉月餅做法1.

雙黃蓮蓉月餅做法2.	雙黃蓮蓉月餅做法3.	雙黃蓮蓉月餅做法4.
雙黃蓮蓉月餅做法5.	雙黃蓮蓉月餅做法6.	84歲的謝禎原師傅14、5歲已學師做月餅，當其他人都以糖漿代替糖水製作餅皮，他卻堅持遵循古法，認為糖水不但可以延長保鮮期，亦令餅皮更鬆軟香口。