文青必修課！校園影出仙氣
身處數碼年代，不少人已習慣行到邊影到邊，之不過係女都影一餐好易淪為「龍友」。唔想拎住相機或手機得個樣，咁就要學番幾招傍身，適逢大學開學，一於同人氣美容博客兼攝影達人Alice Ha走入校園，教大家輕鬆影出仙氣嘅「文青」靚相。
第一式：遮擋包包面
書本、菲林相機、復古茶杯、滿天星等道具都可令文青指數上升，Alice指出拍攝人像時，可拎住佢哋當前景以營造不同感覺。「好多女仔未必化妝返學，以書本遮擋半邊臉，既睇唔到水腫或包包面，影出來又有書卷氣。而以滿天星等花卉遮擋部分鏡頭，則可營造出薄紗飄逸感覺。」
第二式：宜穿素色衫
文青校園Look最好配搭素色衣服，短袖背心、百褶長裙或牛仔衫褲雖然普通，但造型清雅卻不失氣質。書包和圓框眼鏡更是必備道具，既可強化書呆子感覺，還能遮掩倦容兼縮臉，一舉三得。此外，簡單化妝可減低後期執相時間，眼鏡下可化清淡眼妝，以粗眉和紅唇作重點。
第三式：廣角影樓梯
樓梯在校園隨處可見，可叫Model坐在樓梯中間，配合廣角鏡以低角度拍攝，雙腿位置要貼近相片底部，這樣可瘦臉同時將雙腿拉長。而校園的迴廊則可用來影回眸照，但謹記Chin-Down法則，即頭顱與鏡頭成水平直線收一收下巴，這樣影出來會令雙眼有神。
第四式：睇位避路人
校園人來人往，但不是人多就有校園Feel，相反路人的出現會影響構圖，甚至令相片的焦點轉移。Alice指拍攝者要把握時機盡量避開路人，例如拍攝全身照最好找一幅白牆或紅磚牆做背景，前者留白可突出主體，放上Instagram更簡潔；後者則讓人有置身英倫校園的感覺，極富古典味。
第五式：K數校色調
日光下5,500K的色溫設定便適合拍攝，但若想皮膚白皙一點或營造出文青效果，不妨略為提高1/3級曝光，令畫面變得光亮；並把K值調低一點來營造淡色調，感覺更清新浪漫。Alice表示，色溫除了可於相機內調校，也可借助《Analog》或《Snapseed》等免費手機App的濾鏡，編輯出柔美效果。
第六式：率性加詩句
率性就是美，不看鏡頭會比較自然及帥氣，趴着拍攝則有放空感覺。Alice指出，雖然相片勝過千言萬語，但有時適當地為相片加入文字，有畫龍點睛作用。《文青相機》免費App為此而生，內建上百句文青詩句如「流浪的終點是沉澱」等，藉此提升文藝氛圍。
撰文︰陳志滔
部分攝影︰陳世昌
模特兒︰SingLing