5.5吋闊屏Q6+開學搶Phone頭

想新學年讀書順利，梗係要「工欲善其事，必先利其器」，有部合適嘅手機自然事半功倍。LG新出的Q6+擁有5.5吋18:9 FullVision闊屏，夠大夠清之餘，仲支援《QuickMemo+》及程式並排功能，前者提供不同顏色筆Jot Notes；後者可將日曆、電郵等畫面一分為二，橫置手機時左邊顯示概覽右邊顯示內容，做Project嘅時間表一目了然。

Q6+採用窄邊圓角設計，單手也能操作自如。售價：$2,298

中階規格文書一流

Q6+用上平滑機背及圓角設計，厚度只有8.1mm，重量僅149g，就算手仔細細嘅女同學都拎得自在。同學聚首難免會拿起手機自拍，新機配備100度廣角前置鏡頭，毋須自拍棍都可人人入鏡。而且一如同廠機王G6，內置了Square Camera拍攝模式，不但前後鏡頭可同時取景，還能拍出正方形相片，即時掟上Instagram更方便。規格方面則屬中階配套，用上Snapdragon 435處理器、4GB RAM及64GB ROM，《AnTuTu》只有36,055分，玩大食遊戲難免有點窒，但文書操作都算流暢，配以3,000mAh電池，帶住佢游走校園綽綽有餘。

機背配備1,300萬像素鏡頭及補光燈。	內置5.5吋大屏幕，最啱有空堂時睇片解悶。	可插兩張SIM卡，並設有獨立microSD卡槽，最高對應2TB容量。
日曆橫置時畫面會自動一分為二，左邊睇概覽，右邊睇內容。	前後鏡頭可同時取景拍照，把自己和校園齊齊入鏡。	《QuickMemo+》設有不同顏色筆，方便速記Jot Notes。