LEGO控必睇聖誕Boxset早登場

YouTube：http://bit.ly/2vqz2u8

萬聖節馬戲團　東京開鑼

中秋節未到，但萬聖節的慶祝活動卻已搶閘開展，可見嘩鬼們多麼急不及待出籠！東京迪士尼樂園由9月8日起推出萬聖節巡遊，而酒店餐廳「Lounge O」更於9月2日開始率先推出「萬聖節馬戲團」主題自助餐，帶來超過25款應節甜品及小食。自助餐將於每日1:30pm~3:30pm及4:00pm~6:00pm兩個時段供應，以橙色和黑色為主調的布置相當搶眼，造型生鬼的南瓜當然是主角，另外還有幽靈、蜘蛛等甜品，相信大人與小朋友都一樣食得開心。

Boxset內有5個Minifigure，分別是（右圖）巴士司機和咖啡室職員，以及（左圖）車站職員、嫲嫲和乖孫。	John Ho是Boxset 10259的主設計師，他在短片中特意介紹車站上的多項細節，希望玩家不要錯過他的細心之處。	萬聖節馬戲團巡遊自助餐將於9月2日至10月31日供應，成人每位2,800日圓，4至12歲小朋友則每位1,600日圓，食物以甜品與小食為主。

網址：http://bit.ly/2whziKJ

人渣排行榜　日男星邊個最神似

平時煲碟追劇，無論是甚麼劇種，編劇為了令觀眾睇得更肉緊，都喜歡在劇中加入一些討人厭的人渣角色，有時演員演人渣演得太入戲，更會被觀眾嫌棄起來。日本網站goo早前就讓網友投票選出「最適合演人渣的日本男星」。不要以為入得人渣榜，外形肯定樣衰惡心，事實剛好相反，榜中有不少靚仔入圍，好像第9位的窪田正孝，及第5位的山田孝之，都絕對不能用樣衰來形容，至於頭四位的排名如何?你喜歡的男星又有沒有上榜?想知道，就不要錯過了。

第1位居然是還算年輕靚仔的藤原龍也。他本人都曾抱怨總是有人渣角色找上門，但演人渣演得如此深入民心，都相當厲害。

第4位的香川照之之所以上榜，很大程度是因為在《半澤直樹》中飾演了大和田曉一角，是銀行中的精英，因不肯貸款給半澤父親的螺絲工廠，而導致半澤的父親自殺。

網址：http://bit.ly/2iHIPHn

釜山全新Skywalk　Selfie呃Like熱點

要數網友追捧的景點，觀景台肯定係一大熱選，畢竟十分適合打卡放上網威威！新鮮熱辣便有釜山海雲臺青沙浦海上的踏石觀景台，剛於8月中旬登場，全長72.5米，距離海面高約20米，其設計靈感源於守護青沙浦村的青龍，一大特色是尾端設有呈半月形的玻璃地板，讓遊客可以感受恍如在海上行走的刺激感。景色方面，觀景台的前方至青沙浦燈塔一段有整齊並排的5個暗礁，加上青沙浦秀麗的海岸景觀，無論日出或夕陽的景色都相當夢幻，絕對係去釜山旅遊不可錯過的新打卡勝地。

新登場的踏石觀景台，位於連接海雲臺尾浦與松亭的東海南部線舊鐵路中間，全長達72.5米，外觀相當有氣勢。

觀景台尾端設有呈半月形的玻璃地板，帶來了恍如在海面行走的刺激感。

YouTube：http://bit.ly/2vIdKDe

時裝拳王　Conor McGregor

萬眾期待Floyd Mayweather同Conor McGregor「世紀之戰」早前已經於台上一決高下，一如外間所預測「五月天」於打拳擊規例下佔盡優勢，於第十回合以T.K.O.（技術性擊倒）方式擊敗McGregor取下個人第五十場勝利。雖然Mayweather於台上贏場交，但講到台下嘅造型對決，唔使裁判都知McGregor肯定會將經常着用自家品牌TMT（The Money Team）嘅「五月天」K.O.。McGregor作為UFC輕量級人氣拳王，除上台打MMA比賽打大赤膊之外，基本上台下着得上身件件都係High Fashion名牌，好似平時比華利山出巡着嘅刺繡外套、閒時着用對Sneakers（仲要玩到用adidas襪包褲腳去襯），到早前巡迴宣傳「世紀之戰」着件白色蛇形刺繡Mink全部都係當下男裝界最紅「古馳」出品，就算露住紋身湊仔都要戴返頂Monogram Cap，以一位「打仔」講，佢嘅時裝品味絕對係未逢敵手，絕唔係Mayweather着住BAPE去掃BALMAIN「土豪」可比！

Instagram@thenotoriousmma

神級Coser　落妝變靚女

喂喂喂，咩事先？明明話介紹「IG女神」，做乜整隻魔人布歐先？

大家冷靜啲，今次介紹呢位靚女Sosenka（IG@itlookslikekilled），係化妝師兼神級Coser，化妝技術高超不在話下，最令人欣賞嘅地方，就係佢唔會吓吓靠自己個靚樣嚟大你三千萬，反而用厚厚化妝包住自己，無論扮男女老幼定係怪物惡魔，每一個造型嘅Detail位都簡直完美，100%還原角色！大家入去佢個Page慢慢逐張睇，包你有驚喜。

撰文：副刊組

相片：互聯網圖片