甜蝦軟雪糕千奇百趣新口味

夏天吃一杯雪糕，簡直就是苦中一點甜，大眾對雪糕的印象都是甜食，配料不外乎水果、果醬等，不過最近在新潟縣南魚沼市，專為大家推介當地海鮮和美食的「雪國觀光セソㄆー 魚野の里」，就推出南蠻蝦軟雪糕（南蠻海老ソフトクソーム）。這款當地特產其實是我們平常吃的甜蝦，軟雪糕上插着兩隻南蠻蝦乾、混合味噌和甜蝦粉造成的醬汁，以及一塊南蠻蝦煎餅，務求客人吃的每一啖，都感受到濃濃的蝦味，唔知遊客們敢唔敢挑戰這杯特產呢？
將南蠻蝦配軟雪糕，這個組合應冇咩人試過。
將南蠻蝦配軟雪糕，這個組合應冇咩人試過。

襟章鏡頭拍攝冇難度

唔少人都會用攝錄機拍低生活趣事，又或者用GoPro作第一身拍片，不過這些方法都太笨重且高調。眾籌網站Kickstarter最近就推出了FOMOcamera襟章鏡頭，顧名思義其外形設計跟襟章無異，提供磁石和扣針，讓你扣在胸前、帽上，更可因應當日的衣着和喜好，自行剪裁出不同圖案替換。意想不到的是這小小鏡頭，不僅提供90度視野，更可拍攝1080p全高清影片，甚至加裝16GB或32GB micro SD記憶卡，加上電量的拍攝時間長達90分鐘，記錄生活逸事冇難度。

http://kck.st/2hHsQYe

所有配料都和南蠻蝦有關，包括蝦乾、醬汁和蝦肉煎餅，貫徹主題。
  • 所有配料都和南蠻蝦有關，包括蝦乾、醬汁和蝦肉煎餅，貫徹主題。
之前當地都推出過蝗蟲甘露煮軟雪糕，單是視覺效果已夠震撼。
  • 之前當地都推出過蝗蟲甘露煮軟雪糕，單是視覺效果已夠震撼。
FOMOcamera襟章鏡頭可扣在胸前或其他位置作第一身拍攝，滿電後可連續使用90分鐘。
  • FOMOcamera襟章鏡頭可扣在胸前或其他位置作第一身拍攝，滿電後可連續使用90分鐘。
備有鏡頭、USB接頭、磁石、扣針接位，一個小小的襟章功能多多。
  • 備有鏡頭、USB接頭、磁石、扣針接位，一個小小的襟章功能多多。
提供多種款式選擇，更可自行剪裁出不同圖案替換。
  • 提供多種款式選擇，更可自行剪裁出不同圖案替換。

有背囊風扇冇濕身

天時暑熱，莫講話行路，單單坐喺度唔郁都成身汗，特別係一班要孭背囊返工返學的朋友，真係熱到嗌救命！好彩日本Thanko公司最近新出咗一款背囊風扇，其獨特拱型網狀設計，可以套在背包上，隔開背部與背囊，露出透風的空間；之後開動風扇，便有兩把小風扇由腰部向上吹，送出涼風！最正係呢個背囊風扇只重405g，大概是一個蘋果的重量，而且使用USB充電，可謂相當輕巧方便，售價為 ￥2,980（約HK$213.5），自問怕熱又大汗人不妨諗諗！

http://www.thanko.jp/

日本出現背囊式冷卻風扇，係孭背囊返工、返學的朋友一大恩物啊！
  • 日本出現背囊式冷卻風扇，係孭背囊返工、返學的朋友一大恩物啊！
啟動風扇就可於背部與背囊之間送出涼風。
  • 啟動風扇就可於背部與背囊之間送出涼風。
訪問中，Rita Ora一再提及她對Air Jordan的喜愛，更回憶起年輕時一邊打工一邊瞓身買波鞋的趣事。
  • 訪問中，Rita Ora一再提及她對Air Jordan的喜愛，更回憶起年輕時一邊打工一邊瞓身買波鞋的趣事。

明剃眼眉Rita Ora自言最愛AJ

追開波鞋新聞嘅都應該知道，美國潮網Complex推出的王牌節目《Sneaker Shopping》近年在全球大受歡迎，雖然概念和好多波鞋網一樣，都係找來潮人嘉賓上網分享一下波鞋經，但《Sneaker Shopping》請親上節目的都係當時得令的天王巨星。早前試過請50 Cent同球星尼馬做嘉賓，啱啱最新一集就搵咗英國小天后Rita Ora上嚟分享揀波鞋心得。節目中，Rita Ora一再強調自己最愛的波鞋就是Air Jordan系列，又透露年輕時曾在英國球鞋連鎖店「size?」一邊打工，一邊賺錢買AJ13，將所有薪水「回饋」公司！不過最瘋狂都係佢敢作敢為嘅個性，需知道Rita Ora近年與AJ13母公司大剔的對頭三葉在生意上合作無間，做代言人之餘更推出聯名系列，今次竟然係節目中高呼對死對頭的愛，仲唔係明剃三葉眼眉？

http://bit.ly/2vZnueg

連馬沙專用型內褲都想擁有？絕對是超Die Hard粉絲！
  • 連馬沙專用型內褲都想擁有？絕對是超Die Hard粉絲！

魯姆開戰預告　馬沙紅底贈興

近期最令高達迷興奮的消息，莫過於《一年戰爭》動畫化Reboot，不過想睇，都要等到2019年。想「頂癮」的話，就萬勿錯過9月首映的《Mobile Suit Gundam The Origin V Clash at Loum》了！每一集《The Origin》上畫，例必有特別版商品推出，今次也不例外，Gundm Info亦在官網Show Off，推出模型和File都是意料中事，但最估佢唔到的是竟然有馬沙專用型內褲！這款新品是名副其實的「紅底」，正面左右分別以白色印上紅彗星MS-06S專用渣古和自護軍標誌，背面就有白色的馬沙個人徽號，褲頭前後分別印上「Principality of Zeon」和「The Space Strike Zeonic MS-06S Zaku II」。但凡高達迷，都有「馬沙專用性3倍」的迷思，難道穿了這款新品可以跑快3倍？還是着褲、除褲的動作快3倍？總不會與「着紅底打麻雀」有關係吧？

http://bit.ly/2vZoJKs

肉肉的女生，同樣非常性感。
  • 肉肉的女生，同樣非常性感。

睇「肉女」插畫　學習欣賞自我

我們都喜歡追蹤網絡上的女神，經常羨慕她們的修長美腿、精緻五官、Barbie般的身形，但你又有多久沒有好好欣賞過自己？一個人的價值不應取決於外在因素，懂得接受和發掘自己的迷人之處才是王道。比利時的25歲年輕插畫師Prudence，以有趣幽默的畫風創作了一位樂觀女生，擁有肉肉的身型、滿布毛髮的雙腿，也許不是世人眼中的標準女神，但有着最正面的信念，不會因為長出了一、兩顆痘痘而自信心大跌，也不介意把「肚腩仔」暴露於人前，呈現一套非主流的美麗標準。

@planetprudence

  • 放大圖片

傳統派美女　大馬陽光

老老實實，有定時睇開小記「IG女神」嘅朋友仔都會發現，雖然我哋睇盡各國靚女，但小記卻甚少介紹傳統派美女，今次決定破例！來自大馬嘅Joey Chua蔡卓宜（IG：joeychua8）一把長直黑髮，笑容甜到漏油，簡直就係完美嘅初戀！女神完全唔賣弄性感，但一個充滿陽光氣息嘅笑容，已經夠你望到眼都唔眨。Joey呢期頻頻喺IG上載工作照，似乎已經全面出道。雖然「傳統智慧」話呢一類傳統派美女好快會睇厭，但喺Joey個IG入面，你一時睇吓佢對識笑嘅眼，一時欣賞吓佢副Model身形；轉頭又睇吓佢個無敵笑容，之後又望落去嗰對白皙修長美腿，真係話咁快咁又一Day！

撰文：副刊組

相片：互聯網圖片