5吋紅米4X千元有找

Budget有限又想換手機？很多人第一時間會諗起紅米系列，近日廠方有行貨新機紅米4X抵港，以$1,000有找嘅定價，平得嚟卻採用5吋金屬機身，仲有齊1,300萬像素鏡頭和指紋辨識功能，稱得上係入門機首選。

磨沙黑新色

紅米4X的外形基本上與上代紅米3接近，用上金屬機身設計，不過喇叭位就由機背下方移至機底。配色方面則提供香檳金及磨沙黑，當中後者屬系列首次登場的新色，驟眼睇都幾型格。受定價所限，5吋屏幕只支援1,280×720解像度，顯示未夠細緻，不過夾埋Snapdragon 435八核心處理器、3GB RAM及32GB ROM，效能比上代有所提升，基本操作亦算流暢。值得一讚是內置4,100mAh電池，待機時間長達18天，高用量情況下亦可維持兩天，續航力不俗。

機背備有1,300萬像素鏡頭及指紋辨識器。	機底設有喇叭及microUSB插口。	可同時擺放兩張SIM卡，或者一張SIM和一張記憶卡。
機頂加入紅外線發射器，配合《遙控器》App便可遙控家電。	「手機分身」可分割出獨立空間，以便用家將私密檔案分隔。