熱到溶Sun Visor出動！

近日，天文台多次發出酷熱天氣警告，步出家門一刻已經抖唔到氣，熱到溶咁滯。唔想中暑的話，奉勸大家多逗留室內和飲水。如果一定要進行戶外活動，最好戴番頂帽抵擋太陽。講起帽子，雖然坊間選擇甚多，但要數潮人近年至愛，一定首選運動型太陽帽（英文名稱為Sun Visor）。其額前的鴨舌位又闊又大，有效遮擋太陽，配以今夏流行的皮革、草織、塑膠等物料，以及不同顏色、圖案的絲帶飾邊，絕對是外形與功能兼備。