日版Galaxy Feel生活防水

Samsung手機向來有唔少捧場客，最近銀河艦隊又有新成員Galaxy Feel，雖屬日本市場限定型號，但有手機舖將之引入香港，皆因它二千元左右的定價，有齊白、黑及粉紅三色選擇，並支援IPX5/8生活防水、手機繩孔等功能，以中階機來說都算吸引。

Galaxy Feel的Home鍵支援指紋辨識功能，指頭輕輕一印即可解鎖。售價：$2,280

4.7吋細機設計

Galaxy Feel又名SO-04J，是日本電訊商DoCoMo獨賣型號，用上傳統的直板圓角機身，下方設有實體Home鍵，機面則加入2.5D玻璃，配以斜面金屬邊框，手感不俗。為迎合用家單手拎機嘅習慣，新機用上4.7吋720p屏幕，加上8.3mm薄身設計，的骰纖巧。硬件則配備Exynos 7870 1.6GHz八核心處理器、3GB RAM及3,000mAh電池，預載Android 7.0系統操作流暢。既然專攻日本市場，又點少得防水功能，機身支援IPX5/8防水及IP6X防塵標準，1.5米水深下可正常使用30分鐘，炎夏帶去玩水都掂！