薄身巨乳先至係火辣身材嘅標準？喺呢個講求多元化嘅社會中，火辣身材嘅標準又點會只得一個，豐潤身材加巨乳同樣有相當嘅吸引力。南韓模特兒兼車模金祉潏就係憑住呢兩項元素，加上令男士睇到流晒口水嘅修長美腿，甫出道即時成為人氣焦點。
對模特兒嚟講，擁有纖薄身材當然係首要條件，但其實男人嘅審美觀各不相同，未必個個都鍾情纖瘦嘅女仔，好似喺南韓釜山出生嘅金祉潏，正係以豐潤身材加上巨乳而成名。喺上年投身模特兒界嘅祉潏，起初冇諗過以模特兒作為自己嘅事業，雖然佢喺讀書時期兼職攝影模特兒工作，不過當時佢只係為咗賺錢幫補家計，從未諗過要喺呢行長期發展落去，理由並唔係因為佢覺得冇前途，而係因為佢覺得自己嘅身形略肥，綜觀大部分模特兒都係身材纖瘦，所以令佢冇信心入行。
隨住佢兼職工作愈多，發覺原來自己豐滿嘅身材獲得唔少人欣賞，當然睇頭十足嘅上圍亦令佢加咗唔少分。眼見得到大家認同，而佢亦慢慢對模特兒工作培養出濃厚嘅興趣，於是畢業後便正式成為職業模特兒。甫出道接咗幾個平面攝影工作，冇幾耐就迎嚟首個大型演出，以賽車女郎身份喺韓國國際賽車場舉辦嘅房車飄移比賽上登場。擁有激凸上圍嘅佢本身已經養眼無比，換上低胸賽車女郎制服，火辣度更係爆晒燈，令佢火速喺網絡上爆紅！自呢次矚目演出後，有關賽車女郎嘅工作接踵而來，及後佢更踩入車展以性感車模形象登場。除咗忙住做賽車女郎同車模嘅工作之外，早前祉潏喺一個搖滾音樂節活動上化身搖滾女郎，憑住性感無比嘅重金屬造型，令唔少人對佢留下深刻嘅印象。
雖然祉潏憑住豐潤身材上位，成為一個充滿個人特色嘅Model，唔知佢有冇諗過減肥，以迎合主流嘅外形呢？祉潏坦言曾經有咁諗過減肥，亦真係試過纖體療程，不過佢覺得夾硬改變自己嘅身形，不但會失去個人獨特嘅賣點，並且要承擔減肥之後所帶嚟嘅風險，為免令健康出現問題，經過深思熟慮及聽取朋友嘅意見後，決定唔再減肥。事實上，好在佢冇減到肥，皆因唔少粉絲都覺得，正因為豐潤嘅身材令佢睇起嚟更有美感，配合激凸嘅上圍，更令視覺有一種壓迫感。
雖然祉潏憑肉感美同埋一對誘人胸器，令佢火速喺模特兒界冒起，但問到佢最滿意自己身體邊個部位時，佢卻認為係一雙腿。點解佢會咁滿意自己雙腿呢？佢笑稱因為唔少同佢身形差唔多嘅女性雙腿都係比較粗，之不過佢就唔同，擁有一對修長玉腿，加上又白又滑，絕對係一對賞心悅目嘅美腿，而佢亦希望大家唔好將注意力集中喺佢心口度，多啲欣賞呢對花咗唔少心機護理嘅美腿咁話。
簡介：雖然未必每位男士都鍾意身材豐潤嘅女人，但係金祉潏嘅魔鬼級三圍數字足以令男士為之興奮，加埋一對修長美腿，真係迷死人！如果大家想欣賞多啲祉潏嘅靚相，就要Click入呢個網站喇！
網址：http://cafe.daum.net/luvjiyul9178
出生地：釜山
身高：170cm
三圍：35、25、35
撰文：魂