6.44吋MAX 2長氣煲劇唔怕米貴

巨無霸級嘅Phablet手機近年買少見少，鍾情大芒機嘅用家冇得揀自然失望，好在仲有國產陣營撐場。喺5月尾發布嘅小米Max 2，內地一開賣就有水貨火速抵港，最吸引當然係6.44吋大芒配5,300mAh大容量電池，帶出街喪煲劇都唔怕冇電；加上定價二千多元，換新機唔使怕「米」貴！

6.44吋巨無霸級Phablet配以5,300mAh電池，二千幾元又幾吸引喎！<br>Max 2售價：$2,380（64GB）、$2,880（128GB）（a）

6.44吋巨無霸級Phablet配以5,300mAh電池，二千幾元又幾吸引喎！
Max 2售價：$2,380（64GB）、$2,880（128GB）（a）

立體聲雙喇叭

小米Max 2的外形與上年中推出的小米Max接近，同樣採用金屬機身，並沿用6.44吋大芒設計。而機身重量就略增至211g，小記帶出街試玩時，擺落褲袋都幾累贅。廠方表示，今代圍繞屏幕的黑邊由上代的1.5mm縮小53%至0.7mm，令睇片視野觀感更佳。最抵讚是嶄新機背設計，天線位置移至機頂及機底邊緣，增添簡約流線感。值得一提，新機除了機底設有喇叭，聽筒位置播片或聽歌時亦會變為喇叭，實試音量輸出都幾強，立體聲效果明顯。

「巨無霸」字體

用家最關注嘅自然是6.44吋大芒設計，其解像度維持1,920×1,080全高清級數，比起常見的5.5吋大芒手機仲要大一個碼，用來睇電子書、漫畫或網頁都非常舒服。想用盡大芒優勢，用家可將字型調校至「巨無霸」，就算有老花眼都睇得清楚。另一實用功能是「分屏模式」，可將屏幕一分為二顯示不同內容，不過此功能要等稍後更新至MIUI 8才有得用，各位要畀啲耐性喇！

機身提供立體聲喇叭，橫置睇片聲效質素有保證。	支援雙卡雙待，惟SIM卡槽2需要與microSD記憶卡二選一擺放。	全金屬機背，備有1,200萬像素鏡頭及指紋辨識器。
內置單手模式，可將屏幕畫面縮小至4.5吋、4吋或3.5吋。	水貨附送兩腳火牛，支援快速充電技術。	分屏模式需要稍後更新至MIUI 8先至用到，值得期待。

逆向充電功能

新機連電量都有所增大，由上代4,800mAh提升至今代的5,300mAh，電量拍得住唔少外置充電器。小記嘗試以50%屏幕亮度，經Wi-Fi網絡播放3小時串流影片，電量只係由100%下降至83%。按推論睇十數個小時電影都游刃有餘，電量確實驚人！新機還支援Quick Charge 3.0技術，只需幾小時便可將電池充滿，同時可作逆向充電，透過USB OTG插頭連接線材便可為其他裝置充電。不過受定價所限，其硬件規格只屬中階水平，搭載Qualcomm Snapdragon 625處理器及4GB RAM，並提供64GB及128GB兩個容量版本，效能只屬一般，但足以流暢應付上網、打機等用途。

備有《閱讀》App，以大芒睇電子書夠晒舒服。	系統字型可調校至「巨無霸」，老花眼都睇得清楚。	支援「應用鎖」功能，可將指定程式以指紋認證開啟。
試相區前置500萬像素鏡頭支援美顏功能，於戶外日光下自拍，皮膚變得白滑又唔會太假。	試片區播放《神奇女俠》全高清試片，屏幕亮度表現不俗，大芒下主體細緻到連髮絲都睇到。