港台食譜教你食住瘦
今時今日節食減肥已經唔Work，愈食愈瘦才是王道！想瘦得健康最重要是營養均衡，《邊吃邊瘦》與《田安石的低醣廚房》兩本最近出版的食譜，教大家製作低糖、低卡路里的瘦身美食，名副其實食住瘦。
飲食均衡 毋須節食
香港代表的《邊吃邊瘦》，書中共收集了50款由周靈山設計的瘦身食譜，作者以均衡飲食為宗旨，認為每餐要有1份蛋白質、1份澱粉及兩份纖維，並以焗、煮、煎、炒、撈5種方式分類，原來只要在選用食材及烹調方法方面下功夫，正在減肥都可以繼續食秘製燒烤醬豬肋骨、南瓜芝士意粉、意式肉丸、全麥英式鬆餅、雜莓奶昔及Tiramisu等美食。
食得有營 Keep住身形
台灣代表則有田安石撰寫的《田安石的低醣廚房》，此食譜專為熱愛甜點但又要注意血糖的人士而設，全書食譜以醣的含量高低分為生酮、低醣、限醣3大類別，帶來半熟乳酪撻、莓果奶油杏仁撻、綠豆糕、甜甜圈、紐約重乳酪蛋糕等50種中西式無糖健康糕點，食甜品都可以燃燒脂肪、穩定血糖，愈食愈健康。
撰文：楊雅菁
部分攝影：盧展程