法式料理速成班

自煮簡易法國菜

10分滿分的話，煮公仔麵的難易度大概只有2分，至於法國菜，就算沒有10分也有9分吧！以為只有烹飪高手先有本事挑戰法國菜？法國米芝蓮3星大廚Roland Schuller的徒弟Katherina Chan就用行動告訴你──煮法國菜其實唔難！今日她將會示範法式洋葱湯與生牛肉他他兩款經典菜式，賣相絕佳但難度僅屬入門級，唔學走寶！（想知詳細做法，即上http://bit.ly/2qyjeQd）

曾是跨國集團CEO的Katherina，因為喜歡烹飪而拜法國殿堂級名廚Roland Schuller為師，更修讀法國藍帶廚藝學院專業課程。平時也有開班授徒的她特別為「法國五月」設計了兩款簡單易煮的法國菜食譜。

材料（4人份） 洋葱　2 ½個 橄欖油　1湯匙 沙糖　¼茶匙 麵粉　2湯匙 牛肉湯　875毫升 白酒　¼杯 瑞士Gruyère芝士　½杯 法式多士　4片 鹽、胡椒粉、牛油　各少許

炮製法式洋葱湯貼士

i. 將洋葱放入煲內與煮熱的橄欖油焗至色澤通透，這個步驟稱為「出汗」，能增加洋葱的清甜香味。

ii. 自家炮製的牛骨湯味道更佳，但慳時間的話可在超市選購盒裝牛肉湯代替。

做法：

多士搽牛油後放入焗爐烘至香脆備用。洋葱切絲後，以中火燒熱橄欖油，爆香洋葱，冚蓋後轉慢火焗至出水。	開蓋後落白酒與沙糖，炒至金黃焦香。	加麵粉略炒，倒入牛肉湯以慢火煮20分鐘。
放兩片多士在洋葱湯面，再鋪滿芝士，放入焗爐以180℃焗約5分鐘即成。

炮製生牛肉他他貼士

i.由於用生牛肉製作，所以必須選用高質素的牛柳，也要注意必須冷藏，炮製成菜式後亦應盡快食用。

ii.牛肉最好先放在冰格冷藏一會，但不要雪至結冰，雪過的牛肉較容易切碎。

iii.生牛肉他他醬汁集香辣惹味於一身，就算不吃生肉也可以用此醬汁配搭其他食物。

生牛肉他他 生牛肉他他是經典法國菜式之一，也是米芝蓮3星大廚Roland Schuller的最愛，Katherina沿用喼汁、酸瓜仔等傳統材料，做法正宗，鮮香又惹味。 難易度：★★（以5★為最高）、精緻度：★★★½、好味指數：★★★★

材料（2人份） 牛柳　250克 蛋黃　1隻 Dijon芥末醬、芥末籽醬、番芫荽碎　各1茶匙 乾葱頭、芥辣豆、酸瓜、紅酒醋、喼汁　各1湯匙 橄欖油　2湯匙 辣椒汁、鹽、胡椒粉　各適量

做法：

切碎牛柳備用。將蛋黃、芥末醬、芥末籽醬、紅酒醋和喼汁拌勻。	將乾葱頭、芥辣豆、酸瓜、番芫荽碎和辣椒汁加入蛋黃醬中拌勻。	加入橄欖油於醬汁中拌勻，下鹽和胡椒粉調味，放入牛肉並攪拌均勻。

撰文：楊雅菁

攝影：莫文俊

場地提供：CookTown（3708 8041）

查詢：katchinakatchina23@gmail.com