武裝卡車 四圍屍殺

喪屍題材嘅電視、電影、遊戲出極都有，熱潮仲蔓延至手遊界，剛喺4月中就出咗隻《Zombie Safari》。由於開發商Dogbyte Games出過幾款四驅賽車遊戲，今次改喺開放式地圖遊歷可說駕輕就熟。基本操控都係篤芒左右轉向和前後加減速，最吸引是5個地圖內有城鎮、跳台、各式機關和隱藏山路等，讓玩家自由駕車擊殺地圖上的喪屍。途中除了可獲得鑽石和寶物，仲提供12種車款如Off-road四驅車、怪獸卡車、坦克車等供升級解鎖，另有機關槍、電槍等強化武裝，還可到補給站升級車輛HP、速度等，蹂躪喪屍自然更加爽。