模型迷福音鏡面納米金
少林寺十八銅人咁出名，唔只因為擅長用摺櫈，仲有個由頭到腳髹到一身金油，想唔認得都難！最近喺日本就出現咗一種神奇金油，閃令令程度勁過銅人多多聲，唔通製作單位受到《食神》啟發？
話說日本專門從事Harley-Davidson嘅電單車業務的品牌BAD LAND JAPAN的分支BL HY-Coater，專責開發多種標榜金屬感超強嘅塗裝顏料，當初專為電單車而設，依家就擴展到模型、家品都用得着。砌開模型嘅朋友都知，金屬色顏料係最難處理，尤其是金色，大部分現成嘅顏料，唔係偏黃就係偏橙，顏料微粒又比一般色粗糙，因而影響反光效果。最新發表嘅BL Gold Coat，唔只色調準確，而且做到鏡面效果，品牌仲做示範拍埋片，就算全程採用筆塗方式，筆痕都唔明確，顯示出顏料用料極微細，先做到咁高嘅融合度與鏡面效果，原來箇中關鍵係以納米製作方式，將極小量嘅真金化為BL Gold Coat嘅主要材料。
其實BL HY-Coater喺去年已經推出過同樣有鏡面效果嘅銀色顏料，售價高達5.2萬日圓，一支油仲貴過一盒PG模型，至於最新發表的金色版本，製作成本更高，雖然現時還未有銷售詳情，但估計售價更加唔係人咁品，你又捨唔捨得幫襯？
網址：hy-coater.com、www.badland.net
地獄廚神 霸氣神回網民
有沒有想過名廚兼餐廳老闆Gordon Ramsay會覆你個Post？世界知名的他最為人熟悉的，是在電視節目上敢言，甚至嚇人的態度，對節目上的廚師狠狠地批評，節目更以Hell（地獄）與Nightmare（噩夢）而命名。但這一切並沒有令人對他敬而遠之，有不少網民將自己菜式Post到Twitter上，並Tag了Gordon Ramsay請他回應。估不到，Gordon真的認真地回覆，如有人問他今天吃的迷你漢堡如何？Gordon Ramsay神回：「Looks like someone has stolen the meat.（看似有人偷了當中的肉啊！）」果然任何時候都不失霸氣！不過能夠得到名廚認真的回覆，畀佢寸一寸都開心嘅！
Twitter：twitter.com/GordonRamsay
藍眼淚大爆發 馬祖奇景
台灣外島馬祖每逢4月至9月期間，入夜後海面都有機會出現泛出藍螢光的「藍眼淚」奇景，每年都吸引不少旅客專程去碰運氣見識一番。而最近網絡卻有當地藍眼淚大爆發之講法，謂最近看到了非常明顯的藍螢光，無論是光度及範圍都相當突出，連當地居民也直指是有史以來最藍的一次，單單使用手機也可清楚拍攝，可見其「光亮度」爆燈！
其實這些藍螢光背後的始作俑者是海中甲藻上的夜光蟲，在遇驚擾時會發出螢光嚇敵，因藍色光被海水分子吸收最少、傳播最遠，人類肉眼也能夠看見。而在facebook上便有「北竿藍眼淚粉絲團」，專門發放大量的藍眼淚圖片，當中不少都真的僅用手機來拍攝，看過後不禁讓你講聲「果然好藍」!
facebook：北竿藍眼淚粉絲團
澳洲藝術家 重現廟街景觀
香港人生活節奏急促，營營役役，有多少人願意放下腳步靜心欣賞城市中的一磚一瓦？其實，在很多外國人眼中，香港是一個充滿特色的地方，不但中西交融，而且新舊並存，在世界各地鮮有類似的城市。最近，澳洲藝術家Joshua Smith以油麻地廟街23號為藍本，花了3個月時間，製作了一個1:20、像真度極高的廟街模型。模型有齊建築物和路牌，連街頭的廣告、電影海報、塗鴉、小店的鐵閘、外露的冷氣機和建築工具等，捕捉了建築物的每一個細節，非常貼近現實，而這件作品更參展了紐約的VOLTA藝術展，令世界各地的人有機會認識香港的城市景觀。
Instagram：@joshua_smith_street_artist
一對襪 慳番唔少指甲油
講到扮靚秘技，日本人敢認第二，沒有人敢認第一。日本近日又有鬼才設計推出，在一對普通的肉色五指絲襪的腳趾位置，飾上「假甲油」圖案，着起來猶如塗上真甲油一樣，幾可亂真。而3個系列有27款顏色組合，除了Sharp醒的七彩色之外，閃粉、海洋、椰子樹、花卉、星座等圖案齊備，日日換色無難度。價錢方面由1,000至1,690日圓不等，算是合理。不過，由於每個人的腳形及腳甲大小不同，反而有點擔心十隻腳趾頭的「假甲油」圖案不對位，到時都幾尷尬。
網址：http://bit.ly/1QyhVEm
大碼索女 展示豐滿美
所謂「窈窕淑女，君子好逑」，其實「窈窕」並唔係今時今日纖瘦的意思，而係解釋作內外在美兼備的女子。雖然女生看起來弱不禁風的確會挑起雄性保護欲望，但太過瘦弱又會令人擔心營養不良；相反，身形豐滿的女生既有圓潤的可愛氣質，又有魔鬼一般的身材，實在滿足晒幾個願望！好似呢位來自台灣的大碼索女林祐安（Sophia）（IG@sophia_19930924），身高超過174厘米嘅佢三圍有36E/28/38，絕對不是細細粒，但是大碼得嚟曲線玲瓏，而且笑容甜美，給人極大親切感。
撰文：副刊組
相片：互聯網圖片