出細車避貨車位月租
幾乎每天放工返到屋企樓下停車場，都會碰上一位揸房車、住在樓上的大叔，見多了認識後，得知他是駕駛中型貨車從事物流業，大家一定好奇部貨車呢？何解不直接揸返屋企？編者最初都有這個疑團，原來只為一個字——「慳」！
大家應該會問，大車加細車如何慳皮？原來大叔每天會駕駛私家車到近郊區的免費停車位，以車換車方式早開晚收。雖然不太方便，但大叔指該車位勝在鄰近上落貨地點。並解釋，樓下停車場貨車位的月租，比私家車位貴差不多一半，全年埋單要多付約兩萬元，與其支付等如付諸流水的高昂月租，倒不如出多部私家車，就算要付牌費、燕梳，但計落依然有So，的而且確車換車會有少許麻煩，但諗真，假日可以有部私家車一家人去遊車河，何樂而不為。
其實大細車兼備在物流業界用不是新鮮事，他們都是為生活着想而已。今期《汽車世界》特別號介紹了Hyundai HD65及Grand Starex，俱是物流業界及載人載貨不錯的選擇；此外，保時捷Panamera 4S、Mercedes-AMG E 43 4MATIC及Infiniti Q60，3車各具特色，哪一部會是你杯茶？
撰文：朱志華