岸明日香唔要精壯男

雪白玉乳

所謂近朱者赤，近墨者黑，又有云物以類聚，人以群分，好似小弟咁，天生個樣傻更更咁，身邊嘅朋友亦同我相距不遠，都係很傻很天真。而日本寫真界天后級女優杉原杏璃，生得氣質非凡而且上圍激凸，平日同佢一齊玩開嘅姊妹亦一樣咁有「分量」，人氣亦拍得住呢位天后，其中一位就係岸明日香喇！25歲嘅明日香由出道我就留意到佢今日喇，發覺阿妹個樣愈來愈靚，風韻愈益誘人，但係我哋作為一介寫真迷，只需要有靚女睇就應該心足，至於阿妹係咪做過不為人知嘅「改善工程」就唔使多加探討喇。雖然明日香嘅美貌來得令人懷疑，但係身材就唔使多作猜想，九成九屬純天然，對G奶雪白又彈力十足，亦蘊含高度可塑性，任阿妹喺寫真演出當中點搓點夾都冇呈現出不自然形態，相信有番咁上下睇波經驗嘅朋友都會識貨。

情路坎坷

岸明日香喺2012年投身寫真工作，憑住極品G奶以及氣質面孔而火速成名，被形容為治愈系若妻，咁又係嘅，明日香雖然出道當年只係廿歲，但氣質成熟，個樣都幾似人妻。而明日香亦知道自己屬於治愈系，予人親切和善感覺，所以直言喺寫真界嘅發展目標同樣都係治愈系嘅磯山沙也加。但係明白香幾治愈都冇用，近幾年都係情路坎坷！阿妹曾經同搞笑藝人吉村崇及小門建太郎傳出緋聞，但係畀傳媒發現之後，男方卻無情否認，似乎對明白香嘅感情只屬玩票性質。早前，明日香同足球員高橋峻希傳出緋聞，最後亦無疾而終。阿妹受訪嘅時候就話以後唔會再同運動員拍拖，一來覺得運動員鬥心強，難以駕馭，二來佢哋精力旺盛又有好多女仔埋身！好明顯就係暗示前度背住明日香搞搞震啦！既然係咁，明白香不如考慮小弟我啦，我一向都懶做運動，而且仲好專一o架！

社交網站

簡介：岸明日香經常會喺Twitter發布自己最新動態，當中可以睇到佢同杉原杏璃私交甚篤，亦可以見到好多明日香嘅性感照，正呀！

網址：https://twitter.com/asupons02?lang=ja

岸明日香Profile

年齡：25歲

身高：5呎3吋

三圍：36G-23-34

撰文：賢