實試新iPad速度堅快

上周新iPad忽然開訂，功能看似冇乜驚喜，但細睇價錢竟然平至$2,588，比同為9.7吋屏幕的iPad Air 2平了幾百元，令唔少人認為新機係用來取代iPad Air 2。雖然兩機無論外形及按鍵布局都幾乎一樣，但真機到手後，小記發現新iPad除了較厚（厚度為7.5mm）外，處理器更由上代A8X晶片升級至A9晶片，運算效能更具優勢。小記以《AuTuTu》測試，得分接近13萬分，比iPad Air 2約6萬分高近一倍，機能直逼得分約16萬分的iPad Pro。以9.7吋Retina屏幕試播YouTube影片及玩賽車遊戲以至分割屏幕多工處理，整體非常爽快。另支援Touch ID指紋感應器、800萬像素主鏡頭、120萬像素FaceTime HD前置鏡頭，並提供32GB及128GB兩個容量選擇，真係平咗又快咗！